Lalaking umano’y magnanakaw, umakyat sa bubong at nagpanggap na wala sa sarili

-Isang lalaki ang nakita sa bubong ng isang lumang ancestral house malapit sa kampo ng pulis at militar bandang alas-diyes ng gabi, at agad na pinaghinalaang magnanakaw ng mga residente

-Nang dumating ang mga pulis at sundalo, tila nagkunwaring may problema sa pag-iisip ang lalaki upang makaiwas umano sa pag-aresto at nanatili sa bubong ng mahigit dalawang oras

-Ayon sa viral Facebook post, may dala umano siyang mga pako na isiniksik sa pagitan ng mga daliri, at binunot pa ang lumang TV antenna na posibleng gamitin bilang sandata

-Naging viral ang pangyayari matapos itong ibahagi online ng netizen na si Nicole Pestolante, at umani ito ng samu’t saring reaksyon mula sa mga netizens na naaliw, nainis, at nabahala

Viral ngayon sa social media ang isang nakakakabang pangyayari kung saan isang lalaki ang makikitang nasa bubong ng isang lumang ancestral house sa gitna ng gabi. Ayon sa isang Facebook post ng netizen na si Nicole Pestolante, tila nagtangkang magnakaw ang lalaki, kaya’t agad na ipinagbigay-alam ito ng mga kapitbahay sa mga awtoridad. Bandang alas-diyes ng gabi umano nang magsimula ang tensyon, sa mismong lugar na malapit pa sa kampo ng pulis at militar.

Sa post ni Nicole, makikitang tila nag-iba ng diskarte ang lalaki nang dumating ang mga pulis at sundalo. Ayon sa kanya, "The guy’s now pretending to be out of his mind, what a 'classic move'." Umabot pa umano ng mahigit dalawang oras ang lalaking ito sa bubong habang gumagawa ng ingay at tensyon sa lugar.

Tila lalong nakabahala ang sitwasyon nang ikuwento ni Nicole na may hawak daw itong mga pako na inilagay sa pagitan ng mga daliri, at binunot pa ang lumang TV antenna ng kanilang bahay. “Among karaan antenna iyang giibot ready ipangtulod,” sabi pa niya. Posible raw itong gamitin bilang sandata kung sakaling lapitan ng mga awtoridad. Dahil dito, nabahala ang mga residente at kinailangan ng matiyagang negosasyon.

Ayon sa post, ang insidente ay nagdulot ng pinsala sa bubong na matagal na raw ding marupok. "Iya diay ning giibot sa among atop so bangag bangag na ni amo atop inig ulan Hahaha,” biro pa ni Nicole sa kanyang caption. Sa kabila ng tensyon, mapalad na walang iniulat na seryosong nasaktan sa pangyayari.

Sa panahon ngayon, mabilis na nagkakaroon ng atensyon ang ganitong mga insidente dahil sa social media. Isang Facebook post lang na may malinaw na larawan at nakakaaliw na caption ay puwede nang mag-viral sa loob ng ilang minuto.

Gaya ng post ni Nicole, naging trending topic agad ito sa mga komento ng netizens—may natawa, may nainis, at marami ang nagbigay ng kani-kanilang opinyon sa pangyayari. Sa dami ng mga gumagamit ng social media araw-araw, ang ganitong uri ng balita ay nagiging bahagi na ng online tsismisan at aliwan.

Sa isang nakakalungkot na insidente, isang lalaki ang napatay matapos mapagkamalan umano ng lolo ng kanyang nobya na isa siyang magnanakaw. Dumalaw lamang daw ito sa tahanan ng nobya ngunit nauwi ito sa trahedya. Mariing tinutukan ng imbestigasyon ang kaso upang matukoy ang mga tunay na pangyayari.

Isa umanong insidente ng pagnanakaw ng panabong ang nauwi sa madugong engkwentro matapos mahuli ng isang pulis ang tatlong suspek. Isa ang nasawi habang dalawa ang sugatan, ayon sa mga ulat. Patuloy pa ring iniimbestigahan ang buong pangyayari upang matukoy ang mga sangkot.

Source: KAMI.com.gh