Boy Tapang, itinanggi ang paratang ng pambubugbog sa kanyang partner

- Itinanggi ni viral content creator Boy Tapang ang akusasyong binugbog niya ang kanyang partner matapos siyang makalaya sa piyansa

- Sinabi niyang isang normal na away mag-partner lamang ang nangyari at nagtungo sa pulisya ang kanyang partner matapos ang kanilang pagtatalo

- Ipinahayag niyang gusto nang bawiin ng kanyang partner ang reklamo ngunit naihain na ito ng pulisya kaya siya pansamantalang nakulong

- Inilahad niyang nagsimula ang away nang pagbawalan niya ang kanyang partner na mag-vape at lalo pang lumala ang sitwasyon nang masangkot ang kanyang ina sa sigalot

Nagsalita na ang content creator na si Boy Tapang at itinanggi niya ang mga alegasyong binugbog daw niya ang kanyang partner kaya siya nakulong.

Matapos ang isinampang reklamo laban sa kanya noong Martes, Abril 1, 2025, sa Argao Police Station, pansamantalang nakalaya si Suan matapos magpiyansa. Gayunpaman, tuloy pa rin ang kasong isinampa laban sa kanya sa ilalim ng Republic Act 9262 o ang Anti-Violence Against Women and Children Act.

Read also

Bata, pumanaw matapos mabagsakan ng nabubulok na punong buri sa Mandaue City

Sa isang panayam na ibinahagi ng MyTV Cebu, ipinaliwanag ni Suan na isang normal na away mag-partner lamang ang naganap sa kanila. Aniya, nagkaroon sila ng mainit na pagtatalo at matapos nito ay nagtungo ang kanyang partner sa pulisya. Ayon kay Suan, kalaunan ay gusto na sanang bawiin ng kanyang partner ang reklamo, ngunit dahil naisampa na ito, hindi na ito maurong.

Ibinahagi rin ni Suan na pinagmulan ng kanilang alitan ang pagbabawal niya sa kanyang partner na mag-vape. Sa gitna ng kanilang pagtatalo, sinira umano ng kanyang partner ang ilang gamit sa bahay. Bagamat naayos na umano nila ang kanilang gusot, lalo pang lumala ang sitwasyon nang dumating ang ina ni Boy Tapang, na siyang nakasagutan naman ng kanyang partner.

Ayon kay Suan, lalo pang lumala ang gulo nang sagutin-sagot umano ng kanyang partner ang kanyang ina. Patuloy niyang iginiit na wala siyang ginawang pananakit at umaasang magiging maayos ang lahat sa kanilang relasyon.

Read also

Mark Herras, umalma sa alegasyon ni Jojo Mendrez sa kanya

Si Ronie Suan, mas kilala bilang Boy Tapang, ay isang kilalang content creator mula sa Cebu, Pilipinas. Nakilala siya sa kanyang mga vlog na kadalasang nagtatampok ng mga kakaibang pagkain sa mga "mukbang" videos, kung saan kinakain niya ang iba't ibang uri ng pagkain, kabilang ang mga insekto at iba pang exotic na pagkain. Dahil sa kanyang natatanging istilo, mabilis siyang nakakuha ng malaking bilang ng tagasubaybay sa YouTube at Facebook. Bukod sa kanyang mga pagkain, naging tampok din siya sa iba't ibang usapin at kontrobersiya sa social media. ​

Sa isang artikulo na inilathala noong mahigit dalawang taon na ang nakalipas, humingi ng paumanhin si Boy Tapang kaugnay sa isang kontrobersiyang kinasangkutan nila ng kanyang dating ka-tandem na si LJ Satterfield. Nagkaroon sila ng pasaringan online na naging usap-usapan sa social media. Matatandaang na-feature pa sila sa programang "Kapuso Mo, Jessica Soho" dahil sa kanilang kakaibang love story.

Read also

Lolit Solis, naghayag ng pasasalamat sa kabila ng kanyang patuloy na dialysis

Noong Abril 2024, naging usap-usapan ang isang video ni Boy Tapang kung saan ipinakita niyang gumawa siya ng saranggola gamit ang perang papel. Dahil dito, kinausap siya ng mga kinatawan mula sa Bangko Sentral ng Pilipinas (BSP). Humingi siya ng paumanhin sa BSP at sa kanyang mga tagasubaybay, at ipinaliwanag na wala siyang intensyong bastusin ang pera; naisip lamang niya na magiging kakaiba ang saranggola kung gawa ito sa pera.

Source: KAMI.com.gh