Lalaki, huli sa video habang nagnanakaw ng cellphone na naka-livestream

- Nahuli sa video ang isang lalaki habang nagnanakaw ng cellphone na naiwan sa mesa at naka-livestream sa isang salon sa Bago City, Negros Occidental

- Nakunan ng malinaw na footage ang mukha ng suspek matapos niyang pumasok sa salon, kunin ang cellphone, at agad na umalis

- Ayon sa may-ari ng salon, nasa likod ang biktima at naglalaba nang mangyari ang insidente, habang iniwang bahagyang nakabukas ang pinto

- Kinumpirma ng pulisya na agad nilang natukoy ang pagkakakilanlan ng suspek na may dating rekord sa Bacolod City at patuloy silang nakikipag-ugnayan sa iba pang himpilan para sa kanyang agarang pag-aresto

Isang lalaki ang nahuli sa video habang nagnanakaw ng isang cellphone na naka-livestream sa isang salon sa Bago City, Negros Occidental noong Pebrero 16, 2025.

Ayon sa ulat, inilagay ng isang empleyado ng salon ang kanyang cellphone sa livestreaming mode upang idokumento ang pagsisimula ng kanyang araw sa trabaho. Sa unang sampung minuto ng video, makikitang abala siya sa paglilinis, pag-aayos ng electric fan, at pag-iwan ng pinto nang bahagyang nakabukas. Gayunman, hindi niya agad kinuha ang cellphone na naiwan sa mesa.

Read also

Derek Ramsay, natawa sa balitang hiwalay na sila ni Ellen Adarna

Makalipas ang ilang sandali, isang lalaking naka-jersey at may suot na sumbrero ang tahimik na pumasok sa salon, kinuha ang cellphone, at mabilis na lumabas. Ngunit dahil naka-livestream pa rin ang gadget, malinaw na nakuhanan ang kanyang mukha.

Hindi humarap sa media ang may-ari ng cellphone, na itinago sa pangalang "Jo," ngunit ayon sa kanyang amo na si Anne Maxinne Benedicto, nasa likuran ng salon ang biktima at naglalaba nang mangyari ang insidente.

“Habang naglalaba siya, inopen niya ang door namin at ang aming crystal door. Yung lalaki na dumaan, nagmasid for sure. Alam siguro ng lalaki na walang tao,” pahayag ni Benedicto.

Nagulat umano ang biktima nang bumalik siya at nadiskubreng nawawala na ang kanyang cellphone.

Ayon sa pulisya, agad nilang natukoy ang pagkakakilanlan ng suspek dahil sa malinaw na kuha ng video.

“Well, na-identify natin ang suspect. That person has several records na rin sa Bacolod City,” ayon kay Lt. Col. Jay Malong, hepe ng Bago City Police Station.

Read also

Gloria Diaz, may payo tungkol sa pera: “Don’t lend money you can’t afford to lose"

Patuloy ang koordinasyon ng Bago City Police sa iba pang himpilan ng pulisya upang mahuli ang suspek at mapanagot ito sa batas.

Sa panahon ng makabagong teknolohiya, mas mabilis na ngayon ang pagbabalita at pagresolba ng mga krimen dahil sa social media at iba pang digital tools. Ang mga CCTV, livestreaming, at mobile recordings ay nagbibigay ng agarang ebidensya na madaling maibahagi sa publiko at sa awtoridad. Dahil dito, mas mabilis natutukoy ang mga suspek at napapabilis ang imbestigasyon ng mga pulis. Sa tulong ng social media, ang mga balita tungkol sa krimen ay agad na kumakalat, na nagiging daan upang mas maraming tao ang makatulong sa paghahanap ng hustisya.

Sa ibang ulat, isang guwardiya ang nakipagbarilan sa limang magnanakaw na nanloob sa isang tindahan ng prutas sa Barangay San Isidro, Makati City, na nagresulta sa pagkamatay ng lider ng mga suspek. Ayon sa ulat, naganap ang insidente madaling araw ng Miyerkules, kung saan mapapanood sa CCTV ang mga suspek na tila may kontrol sa lugar bago maganap ang barilan.

Read also

Mika Salamanca, nilinaw ang kanyang koneksyon sa Apex Pacific Corporation

Viral ang kwento ni Augusto Virgo kung saan bago siya nakilala sa kanyang lako, dati siyang snatcher at holdaper. 2014 pa nang siya ay magsimulang magtinda ng hotdog sandwich subalit kamakailan lamang siya nag-viral. Marami umano ang nai-inspire kapag nalalaman ang kwento ng kanyang buhay .

Source: KAMI.com.gh