16-anyos na dalagitang nawawala, natagpuang patay sa loob ng isang maleta

- Natagpuan ng mga pulis ang bangkay ng isang 16-anyos na dalagita sa loob ng isang maleta na lumulutang sa Sapang Alat River sa San Jose del Monte, Bulacan

- Lumabas sa imbestigasyon na huling nakita ang biktima noong Pebrero 7, 2025 habang papunta sa bahay ng isang kaibigan sa Caloocan

- Ayon sa pamilya, hindi na nagparamdam ang biktima matapos ang gabing iyon at hindi na rin ito makontak sa cellphone

- Patuloy na iniimbestigahan ng pulisya ang kaso at tinutugis ang mga person of interest na sinasabing nagtago matapos ang insidente

Isang 16-anyos na dalagita na halos isang linggo nang nawawala ang natagpuang patay sa loob ng isang maleta na palutang-lutang sa isang ilog sa San Jose del Monte, Bulacan.

Natanggap ng pulisya ang ulat hinggil sa isang kahina-hinalang maleta na inanod sa Sapang Alat River noong gabi ng Pebrero 13, 2025. Nang buksan ito, tumambad sa mga awtoridad ang nakabukol na bangkay ng dalagita na nasa posisyong pangsanggol at suot pa rin ang kanyang mga damit.

Read also

Kim Chiu, Kinilig sa Valentine's surprise ni Paulo Avelino

"Nakita namin ‘yung isang bahagyang nakabukas na maleta at kitang-kita po na may bangkay sa loob," pahayag ni PCMS Adrian Nolasco, Station Commander ng SJDM PCP2.

Napansin din ng mga imbestigador na may mga sugat sa katawan ng biktima. Kasalukuyang inaalam ng mga awtoridad kung ang maleta ay sadyang itinapon sa ilog o inanod lamang ng tubig-baha dulot ng matinding pag-ulan sa lugar.

"Sunod-sunod ‘yung ulan. Dahil ilog nga ‘yon, hindi natin masasabi kung inanod ba pero may posibilidad na doon din talaga itinapon," ayon kay PSSG Patrick Llanza, Case Investigator.

Ayon sa pamilya ng biktima, umalis ang dalagita sa kanilang bahay noong Pebrero 7, 2025 upang bisitahin ang isang kaibigan sa Caloocan ngunit hindi na ito nakabalik pa.

"Tawag nang tawag ‘yung huling kausap niyang kaibigan, pinipilit siyang sunduin kasi binubugbog daw ng asawa," ayon sa isang kaanak ng biktima.

Nakuha sa closed-circuit television (CCTV) footage ang biktima habang naglalakad papunta sa bahay ng kanyang kaibigan sa Caloocan noong gabing iyon. Gayunpaman, matapos iyon ay hindi na ito nagparamdam sa kanyang pamilya.

Read also

Lalaking 39-anyos, arestado matapos umanong gahasain ang sa 14-anyos na gf ng anak

"Simula noon, hindi na siya nag-reply sa amin. Wala na rin ‘yung account niya. Hindi na rin namin ma-contact ang cellphone niya," dagdag ng isang kamag-anak.

Ilang araw matapos ang kanyang pagkawala, natagpuan na lamang siya sa loob ng isang maleta, wala nang buhay.

"Sobrang sakit. Nakita ko ‘yung katawan ng kapatid ko. May butas sa leeg niya. Tapos ‘yung mukha niya, hindi ko na halos makilala," umiiyak na pahayag ng kapatid ng biktima.

Natukoy na ng pulisya ang mga person of interest sa kaso na umano’y nagtago na matapos ang insidente. Patuloy ang pangangalap ng ebidensya ng mga imbestigador upang matukoy ang responsable sa karumal-dumal na pagpaslang. Samantala, nananawagan ng hustisya ang pamilya ng biktima sa sinapit ng kanilang mahal sa buhay.

Sa kasalukuyan, mabilis na kumakalat ang mga balita sa social media, na nagiging dahilan ng mabilis na pagpapalaganap ng impormasyon—maging ito man ay positibo o negatibo. Ang mga viral na balita ay kadalasang nagiging paksa ng usap-usapan, lalo na kapag may kasamang matinding emosyon o kontrobersiya.

Read also

Lalaking inakusahan ng pambubully, patay matapos saksakin ng ice pick sa Taytay, Rizal

Sa iba pang ulat, natagpuan ang bangkay ng 14-anyos na dalagita sa tabi ng ilog sa Barangay Unmidos, Nabas, Aklan noong Enero 17, 202. Lumabas sa medico-legal report na ginahasa ang biktima at namatay dahil sa head trauma na dulot ng matigas na bagay. May tatlong lalaki na iniimbestigahan ng mga pulis bilang persons of interest sa kaso Nagtipon ang mga residente upang makalikom ng ₱30,000 pabuya para sa impormasyon laban sa mga suspek.

Natagpuang patay at hubo’t hubad ang isang 60-taong-gulang na lola sa loob ng musoleo sa Sorsogon Catholic Cemetery. Hinihinalang ginahasa ang biktima at pinaslang gamit ang bato na nakita sa crime scene Isa sa mga suspek ang nahuli at inaming nagkaroon ng pangho-hold up matapos ang inuman. Sinabi ng suspek na hindi niya akalaing papatayin at gagahasain ng kasamahan ang matanda.

Source: KAMI.com.gh