Malacañang, pinaiimbestigahan si Chavit sa paghimok sa kabataan na lumikas sa klase at mag-alsa

• Pinaiimbestigahan ng Malacañang si dating Ilocos Sur Gov. Chavit Singson matapos ang kontrobersyal niyang pahayag sa EDSA protest kung saan hinimok niya ang mga estudyante na lumikas sa klase at makiisa sa rebolusyon laban sa korapsyon
• Ayon kay Communications Usec. Claire Castro, posibleng maharap si Singson sa kasong inciting to sedition dahil sa pagtutok niya lalo na sa mga kabataang high school at kolehiyo, kabilang na ang mga menor de edad
• Mariin ding itinanggi ng Palasyo ang akusasyon ni Singson na si First Lady Liza Marcos umano ang nagpondo sa riot sa Recto na nagdulot ng kaguluhan at pagkakasugat ng halos 100 pulis
• Bukod sa isyu sa protesta, naalala rin ng publiko ang madilim na bahagi ng nakaraan ni Singson matapos siyang masangkot sa jueteng scandal noong panahon ni dating Pangulong Joseph Estrada

Pinaiimbestigahan na ng Malacañang si dating Ilocos Sur Governor Chavit Singson dahil sa kontrobersyal nitong pahayag sa ginanap na anti-corruption protest sa EDSA noong Setyembre 21. Sa naturang pagtitipon, hinikayat ni Singson ang mga estudyante na huwag pumasok sa klase at lumahok sa isang “rebolusyon” laban sa katiwalian ng gobyerno.

Read also

Viy Cortez, pumalag matapos ma-bash nang makibahagi sa Trillion Peso March

Ayon kay Communications Undersecretary Claire Castro, hindi biro ang naging panawagan ni Singson dahil direktang inakit umano nito ang mga kabataan, kabilang ang mga high school at college students, upang tumayo at mag-aklas. “Si Mr. Chavit Singson pa ang nagsabi na hayaan ng mga magulang ang mga batang ito na tumayo para sa isang rebolusyon para sa korapsiyon,” wika ni Castro.

Dahil dito, tinukoy ng Palasyo na posibleng makasuhan si Singson ng inciting to sedition, isang mabigat na krimen sa ilalim ng batas. Nakikipag-ugnayan na umano ang Malacañang sa Department of Justice (DOJ) at sa Philippine National Police (PNP) upang tukuyin ang susunod na hakbang sa imbestigasyon.

Hindi lamang ito ang pahayag na binanatan ng Palasyo. Sa hiwalay na panayam, itinanggi ni Castro ang paratang ni Singson na si First Lady Liza Marcos ang nagpondo sa riot sa Recto na nagresulta sa pagkasira ng ilang pribado at pampublikong ari-arian, pati na sa pagkakasugat ng halos 100 pulis. “Malaking kasinungalingan! Huwag nilang ipahid ang mga gawain nilang kriminal kay First Lady Liza Marcos,” mariing sagot ng opisyal.

Read also

Mga taga-Hagonoy, lumusong sa baha para ipanawagan ang hustisya laban sa korapsyon

Matatandaang binatikos din si Singson ng ilang raliyista matapos makita sa EDSA, dahil naalala ang kanyang pagkakasangkot sa jueteng scandal noong 2000s na humantong sa pagbagsak ni dating Pangulong Joseph Estrada. Sa Senado mismo, inamin noon ni Singson na nakinabang siya sa operasyon ng jueteng para kay Estrada.

Sa ngayon, wala pang tugon si Singson sa panawagang imbestigasyon laban sa kanya, ngunit tumitindi na ang panawagan ng iba’t ibang sektor na papanagutin ang mga opisyal at personalidad na nagpapalaganap ng maling impormasyon at nag-uudyok ng kaguluhan.

Si Luis “Chavit” Singson ay isa sa mga kilalang personalidad sa larangan ng negosyo at pulitika sa bansa. Kilala siyang malapit sa iba’t ibang administrasyon at ilang beses nang nahalal bilang gobernador ng Ilocos Sur. Sa kabila ng kanyang matagal na paninilbihan, hindi rin siya nakaligtas sa kontrobersiya matapos maging sentro ng jueteng scandal laban kay dating Pangulong Joseph Estrada. Bukod sa politika, kilala rin siya sa kanyang mga negosyo at pagiging patron ng sports at entertainment.

Read also

Daniel Padilla, nagsalita laban sa katiwalian sa gitna ng “Trillion Peso March” sa Pilipinas

Kamakailan ay naging usap-usapan ang casual na pag-uusap nina Jinkee Pacquiao at Chavit Singson kung saan pabiro nitong sinabi kay Jinkee na magiging lola na siya. Maraming netizens ang natuwa at natawa sa kanilang palitan ng biro, na nagpatunay sa pagiging magaan at palabiro ni Singson sa kabila ng kanyang seryosong imahe sa pulitika.

Sa isang panayam, sinagot ni Singson ang matagal nang kumakalat na tsismis na mayroon silang anak ni aktres Yen Santos. Tinawanan lang ng dating gobernador ang isyu at sinabi na wala itong katotohanan. Pinuri naman ng netizens ang pagiging kalmado ni Singson sa pagharap sa intriga.

Source: KAMI.com.gh