Vico Sotto, aminadong nagulat sa pag-amin ng katunggali na first-time voter lang ito

-Nagbigay ng maikling reaksyon si Mayor Vico Sotto matapos ang rebelasyon ng kanyang katunggali na si Sarah Discaya na isa pa lamang siyang first-time voter

-Sa isang panayam sa Headstart ng ANC, inamin ng alkalde na siya ay nagulat sa sinabi ni Discaya at sinabi rin niyang buong bansa ay nagulat din

-Hindi na nagbigay pa ng dagdag na komento si Mayor Vico at sinabing sapat na ang mga naging reaksyon ng publiko sa isyu

-Nagbigay ng maikling reaksyon si Mayor Vico Sotto matapos ang rebelasyon ng kanyang katunggali na si Sarah Discaya na isa pa lamang siyang first-time voter

Sa kabila ng init ng kampanya at palitan ng mga isyu sa pulitika, muling pinatunayan ni Pasig City Mayor Vico Sotto ang kanyang composure at kahandaang iwasan ang personal na bangayan matapos niyang magbigay ng maikling, ngunit makahulugang sagot kaugnay sa naging rebelasyon ng kanyang katunggali na si Sarah Discaya—na ngayon lang daw siya bumoto sa buong buhay niya.

Sa isang episode ng Headstart sa ANC hosted by Karen Davila, tinanong ang alkalde kung ano ang reaksyon niya sa viral interview ni Discaya noong araw ng halalan kung saan inamin ng businesswoman na ito ang kanyang pagiging first-time voter. Laking gulat ng media sa kanyang naging sagot. “Totoo po,” sagot ni Vico, sabay tawa, nang banggitin ni Karen na “Pati buong Pilipinas nagulat.”

Sa gitna ng halakhakan, ayaw nang palalimin ni Mayor Vico ang isyu at aniya, “Hindi na para mag-comment ako kasi marami nang nasabi ang mga tao. But yes, to answer your question.” Piniling hindi na niya dagdagan pa ang ingay ng isyu, lalo’t viral na rin ito sa social media at laman ng mga usap-usapan.

Samantala, naging sentro ng komento si Discaya sa social media matapos ang kanyang pahayag. Marami ang nagtanong kung paanong isang taong hindi pa nakaboto noon ang nagkaroon ng lakas ng loob na tumakbo bilang alkalde ng isang lungsod. Ayon kay Discaya, nahirapan umano siyang makapagparehistro sa mga nakaraang taon.

Ang naging revelation ay lalo pang nagpainit sa kampanya, lalo’t naghain din ng disqualification case ang kanyang mister laban kay Mayor Vico. Sa kabila nito, hindi nagpadaig ang kasalukuyang alkalde at nagpatuloy lang sa kanyang mga programa at serbisyo sa lungsod.

Si Mayor Vico Sotto ay kilala sa kanyang progresibong pamamalakad at pagiging bukas sa media at mamamayan. Bagama’t bukas siya sa tanong tungkol sa kanyang trabaho at serbisyo, mas reserved naman siya pagdating sa kanyang personal na buhay, tulad ng love life.

Nagbigay ng masayang reaksyon si Mayor Vico sa mga netizens na nagsasabing gusto na nilang lumipat at tumira sa Pasig dahil sa kanyang pamumuno. Ayon sa kanya, natutuwa siya sa mga ganitong komento pero ipinaalala rin niya na hindi perfect ang lungsod. Inamin niyang marami pa rin silang dapat ayusin at marami pa ring hamon. Gayunpaman, pinasasalamatan niya ang tiwala ng mga tao sa kanya.

Sa isang panayam ay tinanong si Mayor Vico tungkol sa kanyang love life. Sa kanyang simple at kalmadong paraan, sinabi niyang “darating naman po ‘yan,” at idinagdag na ang kanyang pokus ngayon ay ang kanyang trabaho bilang lingkod-bayan. Marami sa mga netizens ang humanga sa kanyang disiplina at sa pagiging goal-oriented. Tuloy-tuloy pa rin ang suporta ng kanyang mga tagahanga, hindi lang sa Pasig kundi sa buong bansa.

Source: KAMI.com.gh