Bamban, Tarlac Mayor Alice Guo umalis na ng bansa noong Hulyo 17 ayon kay Sen. Risa Hontiveros
- Umalis ng bansa si dating Bamban, Tarlac mayor Alice Guo noong Hulyo 17 ayon kay Senator Risa Hontiveros
- Pumasok si Guo sa Kuala Lumpur, Malaysia noong Hulyo 18 at tumungo sa Singapore upang makipagkita sa kanyang pamilya
- Itinatanong ni Hontiveros kung paano nakatakas si Guo at sino ang tumulong sa kanya sa pamahalaan
- Hiniling ni Hontiveros na magkaroon ng masusing imbestigasyon sa mga posibleng kasabwat ni Guo sa kanyang pag-alis
PAY ATTENTION: stay informed and follow us on Google News!
Ibinunyag ni Senator Risa Hontiveros na umalis na ng bansa si Alice Guo, ang dating mayor ng Bamban, Tarlac, noong Hulyo 17. Ayon kay Hontiveros, pumasok si Guo sa Kuala Lumpur, Malaysia noong Hulyo 18, at mula roon ay tumungo umano ito sa Singapore upang makipagkita sa kanyang ama.
![Bamban, Tarlac Mayor Alice Guo umalis na ng bansa noong Hulyo 17 ayon kay Sen. Risa Hontiveros Bamban, Tarlac Mayor Alice Guo umalis na ng bansa noong Hulyo 17 ayon kay Sen. Risa Hontiveros](https://cdn.kami.com.ph/images/1120/9b9895f65c549358.jpeg?v=1)
Source: Facebook
Kasama raw sa naturang pagkikita ang ina ni Guo na isang Chinese national, ang kanyang kapatid na si Wesley, at si Cassandra Ong.
Sa isang pahayag, matindi ang naging tanong ni Hontiveros kung paano nagawang makalabas ng bansa si Guo. "
Who allowed this travesty to happen? Sino ang may kagagawan nito? Hindi makakaalis si Alice Guo kung walang tumulong sa kaniya na mga opisyales ng pamahalaan. Para tayong ginisa sa sarili nating mantika," ani Hontiveros.
Like and share our Facebook posts to support the KAMI team! Share your thoughts in the comments. We love reading them!
Ipinahayag ng senadora ang kanyang pagkadismaya sa mga posibleng kasabwat ni Guo sa loob ng pamahalaan, at hiniling na magkaroon ng masusing imbestigasyon upang malaman kung sino ang mga may responsibilidad sa pagkakatakas ng dating alkalde.
Ayon kay Hontiveros, hindi dapat hinayaan na makalabas ng bansa si Guo nang walang sapat na aksyon mula sa mga kinauukulan, lalo pa't may mga alegasyon ng katiwalian laban dito.
Si Alice Leal Guo ang Punong Bayan ng Bamban, Tarlac. Siya ay nanalo bilang punong bayan sa mga pambansang eleksyon noong 2022. Siya ay naging kilala sa buong bansa matapos madawit ang kanyang pangalan sa patuloy na imbestigasyon ng Senado ukol sa Philippine Offshore Gaming Operations o POGO at sa alegasyon ng paglaganap ng mga ilegal na dayuhang naninirahan sa bansa. Ang kanyang pangalan ay naging paksa ng maraming online memes mula noon.
Matatandaang si Sen. Risa Hontiveros ang nagtanong sa tunay na pagkakakilanlan ng suspindidong punong-bayan ng Bamban. Nitong Miyerkules, ipinakita ng senadora ang isang dokumento kung saan makikita ang isa pang "Alice Leal Guo."
Sinabi ni Sen. Hontiveros sa isang pahayag na ang National Bureau of Investigation (NBI) ay nakumpirma na ang mga fingerprint ni Mayor Guo ay tumutugma sa may-ari ng nabanggit na Chinese passport na si Guo Hua Ping.
Bagong feature: Tingnan ang mga balitang para sa'yo ➡️ hanapin ang "Recommended for you" block at mag-enjoy!
Source: KAMI.com.gh