DLSU student, nasawi matapos mahulog mula sa 10th floor sa Malate

• Nasawi ang isang 18-anyos na babaeng estudyante matapos mahulog mula sa 10th-floor ledge ng isang gusali malapit sa Enrique Razon Sports Complex sa Malate, Manila noong Agosto 13, ayon sa pulisya
• Ayon sa mga saksi, may concerned citizen na unang nag-alerto sa mga awtoridad matapos umano nitong mapansin ang isang taong nasa ledge ng ika-10 palapag, bago rumesponde ang mga security personnel sa lugar
• Kinumpirma ng De La Salle University na sangkot sa insidente ang isang estudyante at sinabi nitong nakaabot na ito sa pamilya ng biktima, habang ang mga estudyanteng nasa paligid ay isinailalim sa debriefing at counseling
• Hindi pa natutukoy ng pulisya ang buong mga pangyayari na humantong sa pagkahulog, kaya ini-refer ang kaso sa hómicide section ng Manila Police District para sa karagdagang imbestigasyon

Isang 18-anyos na babaeng estudyante ang pumanaw matapos ang isang malungkot na insidente sa isang gusali na malapit sa Enrique Razon Sports Complex sa Malate, Maynila.

Read also

Senior citizen, pumanaw sa araw ng kaarawan matapos mabangga sa kalsada

Ayon sa ulat ng mga awtoridad, nangyari ang insidente noong Agosto 13 sa kanto ng Noli Agno Street at F. Reyes Street sa Barangay 708. Nabatid na isang concerned citizen ang agad na nag-ere ng babala sa mga awtoridad matapos makakita ng isang tao sa 10th floor ledge ng nasabing gusali.

Agad na pumunta ang security personnel sa lugar at nakita ang babae sa nasabing bahagi ng gusali. Matapos ito ay tuluyan nang nahulog ang biktima mula sa mataas na palapag patungo sa ibaba.

Isang doktor mula sa De La Salle University ang mabilis na umresponde sa kinaroroonan ng insidente upang magbigay ng paunang lunas, ngunit idineklara rin nitong pumanaw na ang biktima. Nakilala ang biktima bilang isang incoming student ng DLSU na huling nanirahan sa Female Athletes Dormitory ng pamantasan sa F. Reyes Street sa Barangay 714.

Sa isang opisyal na pahayag, kinumpirma ng DLSU ang nangyaring insidente na kinasangkutan ng kanilang estudyante. Ayon sa pamantasan, agad silang nakipag-ugnayan sa mga magulang ng estudyante at patuloy na nakikipagcoordinisyo sa mga awtoridad para sa pagsusuri ng kaso.

Read also

Collector ng CARD sa Leyte, natagpuang wala nang buhay ilang araw matapos mawala

Isinailalim din sa debriefing at counseling ang mga estudyanteng nasa paligid nang mangyari ang kaganapan upang matulungang maproseso ang kanilang emosyon. Nakiusap din ang pamantasan sa publiko na igalang ang privacy ng pamilya sa pamiban ng pagbibigay ng suporta at pag-unawa sa gitna ng maseselang sandaling ito. Sinabi ng pamantasan na, "Out of respect for the student and the family’s privacy during this sensitive time, we request for the public’s cooperation in maintaining a supportive and compassionate environment."

Iniulat ang insidente sa Malate Police Station (PS-9) at kasalukuyan nang inilipat ang kaso sa Manila Police District Hómicide Section upang masuri nang maayos ang mga detalye ng kaganapan. Patuloy pa ring inaalam ng mga awtoridad ang buong konteksto at mga pangyayari sa paligid ng nasabing insidente.

Noong Hunyo 2025, iniulat ng KAMI.com.ph ang kaso ni Anthony Granada, isang 25-anyos na law student ng DLSU-BGC na ilang araw na nawawala bago natagpuan sa Naic, Cavite. Sa isinagawang imbestigasyon, sinabi ng mga awtoridad na walang nakitang palatandaan ng foul play sa kaniyang pagkamatay.

Read also

Suspek sa pagpatay sa dating OFW, nasawi matapos ang isang linggong paghahanap

Sa isa pang ulat noong Hulyo 2025, tampok naman ang kuwento ni Juan Alfonzo “Japonz” Dacumos, isang DLSU graduate na nakapagtapos bilang summa cum laude sa Psychology. Ibinahagi sa ulat ang kaniyang naging paglalakbay sa pag-aaral at ang suporta ng kaniyang pamilya, mga guro at unibersidad.

Source: KAMI.com.gh