“Mama, tulungan mo ako”: Kuwento ng mag-ina sa gitna ng Baguio landslide
- Pumanaw ang pitong miyembro ng pamilya Caluza matapos matabunan sa nangyaring pagguho sa Barangay Guisad Surong sa Baguio City habang dalawa pa sa kanila ang kasalukuyang nasa ospital
- Galing pa sa La Union si Rebecca Caluza nang mabalitaan ang nangyaring trahedya sa kaniyang pamilya at agad na umuwi sa Baguio City upang harapin ang masakit na katotohanan
- Emosyonal na inalala ng pamilya ang huling narinig ng ina mula sa 12-anyos na anak na si Jaiden Perry habang naipit sa guho na nagsabing "Mama, tulungan mo ako"
- Nakahimlay na ang mga labi ng mga biktima sa Cathedral of the Resurrection Chapel sa Magsaysay habang nagpapatuloy ang pagluluksa ng buong pamilya
Narito na ang paghahanap sa KAMI! Basahin ang mga balita tungkol sa iyong paboritong mga bituin sa pamamagitan lamang ng pag-type ng kanilang pangalan sa search bar!
Para kay Rebecca Caluza, ang pinakamahirap na bahagi ay hindi ang biyahe pabalik ng Baguio City kundi ang pagharap sa masakit na katotohanan na wala na ang pitong mahal niya sa buhay. Natabunan ang kaniyang mga kapamilya nang tumama ang isang malakas na pagguho sa kaniyang tahanan sa Barangay Guisad Surong.
Source: Facebook
Nasa La Union si Rebecca, kung saan siya nakatira kasama ang kaniyang sariling pamilya, nang makarating sa kaniya ang balita. Agad siyang nagtungo sa Baguio City. Kabilang sa mga nasawi ang kaniyang 55-anyos na amang si Pedro Caluza Jr., ang kaniyang 17-anyos na kapatid na si Precious Ann Abeya, ang mga pamangking sina Jaiden Perry Caluza, 12-anyos, at Elijah Aliyah Andres, 7-anyos, ang kaniyang 22-anyos na pinsan na si Keziah Marie Bulatao, ang dalawang taong gulang na anak ni Keziah na si Zephaniah Jade Bulatao, at ang kaniyang walong taong gulang na pamangkin na si Elisha Tiam. Si Elisha ang huling biktimang nakuha mula sa guho.
Dalawang iba pang miyembro ng pamilya—sina Alenor Caluza at Elmer Andres, na mga magulang ng dalawang batang biktima—ang nananatiling nasa ospital matapos magtamo ng mga sugat. Sa gitna ng dalamhati, nahaharap ang pamilya sa isa pang masakit na tungkulin: ang pagsasabi kay Alenor na wala na ang kaniyang dalawang anak.
Sinabi ni Rebecca na hindi pa alam ni Alenor ang buong kaganapan. "Hindi pa namin alam kung papaano sasabihin sa kaniya kasi dalawang anak niya yung nawala,tapos yung kapatid at papa namin" pahayag ni Rebecca.
PAY ATTENTION: Follow us on Instagram - get the most important news directly in your favourite app!
Ayon kay Rebecca, nakita ng mga rescuer si Alenor na yakap ang kaniyang anak na si Elijah nang marekober sila mula sa guho. Subalit pumanaw rin si Elijah sa ospital. "Naririnig niya yung anak niya na humihingi ng tulong, hininuhukay niya yung mga anak niya kahit siya mismo hindi makagalaw" kuwento ni Rebecca base sa salaysay ni Alenor.
Nakaipit din sa ibang bahagi ng bahay ang pamangking si Jaiden Perry. "Ang kwento ng ate ko noong gumuho daw po yung bahay, hindi niya nakita si Jaiden pero naririnig niya daw po na 'Mama, tulungan mo ako'," dagdag ni Rebecca. Nakatagpo rin na magkayakap ang kaniyang pinsang si Keziah Marie at ang dalawang taong gulang na anak nito.
Pauwi na rin ang ina ni Rebecca mula sa Italy para harapin ang napakasakit na pagbabalik sa Baguio City. Sa halip na masayang muling pagtatagpo, uuwi ito upang pagluksa ang kaniyang asawa, mga anak, at mga apo. Nakahimlay na ang mga labi ng mga biktima sa Cathedral of the Resurrection Chapel sa Magsaysay, Baguio City.
Hindi ito ang kauna-unahang pagkakataon na nagdulot ng malaking dalamhati ang masamang panahon at kalamidad sa ating bansa. Sa isang hiwalay na insidente sa Tubungan, Iloilo, isang 68-anyos na magsasaka ang nasawi rin matapos matabunan ng lupa dulot ng pagguho sa kanilang lugar.
Bagong feature: Tingnan ang mga balitang para sa'yo ➡️ hanapin ang "Recommended for you" block at mag-enjoy!
Source: KAMI.com.gh
