Rider nag-iwan ng paalala sa helmet: “Buntis po ang asawa ko”

• Isang motorcycle taxi rider ang nagsulat ng mensahe sa likod ng kanyang helmet na nagsasabing “Buntis po ang asawa ko. Huwag n’yo po ako sanang saktan” matapos ang trahedya sa Caloocan kung saan isang rider ang nasawi
• Ang post ay ibinahagi ng girlfriend ni Primo Baconawa sa Facebook, kasabay ng kanyang pahayag na walang sinuman ang dapat mag-alala kung makakauwi pa sila ng ligtas sa kanilang pamilya
• Nangyari ang insidente noong Hulyo 14 sa Caloocan kung saan isang rider ang nasaksak ng kanyang pasahero at tinangay pa ang motorsiklo, na kalaunan ay ikinasawi ng biktima
• Nahuli ang suspek matapos muling umatake sa Malabon, at ngayon ay nakabilanggo at mahaharap sa mga kasong robbery, hómicide, at paglabag sa Anti-Carnapping Act

Nag-viral sa social media ang larawan ng isang motorcycle taxi rider na nagsulat ng mensahe sa likod ng kanyang helmet: “Buntis po ang asawa ko. Huwag n’yo po ako sanang saktan.” Ang larawan ay kuha ng girlfriend ni Primo Baconawa at ibinahagi sa Facebook, kasunod ng trahedya sa Caloocan kung saan isang rider ang nasawi matapos saksakin ng kanyang pasahero.

Read also

Bea Alonzo balik-taping sa Pampanga dalawang araw matapos ang civil wedding

Ayon kay Baconawa, “No one should ever have to wear a message like that just to make it home safely. No one should have to leave for work wondering if they will return alive to the family waiting for them.”

Ang insidente ay naganap noong Hulyo 14, madaling araw, sa Barangay 20, Kaunlaran Village, Caloocan. Sa CCTV footage, makikita ang rider na ibinaba ang kanyang pasahero bandang 1:30 a.m. ngunit ilang saglit lang ay pinagsasaksak siya ng suspek. Nagawa pa ng biktima na tumakbo palayo ngunit kalaunan ay nasawi rin sa ospital.

May mga nakasaksi sa insidente na nagtangkang tumulong ngunit pinagbantaan sila ng suspek. Tinangay ng salarin ang motorsiklo ng biktima at mabilis na tumakas. Ilang oras matapos ang krimen, muling umatake ang suspek sa Malabon kung saan nang-agaw siya ng cellphone. Nahuli siya ng mga residente at dinala sa pulisya.

Ayon kay Police Colonel Mission ng Malabon Police, modus umano ng suspek ang pagnanakaw ng motorsiklo ng mga rider sa madaling araw. Sangkot din siya sa isa pang insidente ng motornapping noong Hulyo 11. Sa kanyang pahayag, sinabi ng suspek: “Nabigla lang po ako. Pasensiya po, hindi naman po sinasadya. Patawad po.”

Read also

Awra Briguela, nagdasal sa 11:11 bago matanggap ang mabigat na balita tungkol sa ina

Ngunit para sa pamilya ng biktima, hindi sapat ang paghingi ng tawad. “Hindi po namin siya mapapatawad. Naghahanapbuhay lang po 'yung kapatid ko. Bakit ganoon na lang ang ginawa niya? Wala siyang kalaban-laban,” ayon sa kapatid ng rider. Dagdag pa niya, “Meron siya isang anak. Tatlong taon 'yung anak niya. Kailangan lang po namin ng hustisya.”

Ang trahedya sa Caloocan ay nagdulot ng matinding takot at pangamba sa mga motorcycle taxi rider. Hindi ito ang unang pagkakataon na may rider na naging biktima ng karahasan mula sa pasahero.

Sa isang ulat ng Kami.com.ph, isang motorcycle rider sa Caloocan ang nasawi matapos saksakin ng kanyang pasahero. Ang insidente ay nagdulot ng matinding pangamba sa mga kapwa rider na araw-araw ay nakikipagsapalaran sa kalsada.

Isa pang rider ang walang awang pinaslang ng pasahero, ayon sa ulat ng Kami.com.ph. Ang pamilya ng biktima ay nagsabing tila pinaglaruan pa sila ng suspek, na nagdulot ng mas matinding sakit at pangungulila.

Source: KAMI.com.gh