Sekyu na suspek sa pagbaril sa 2 kapwa gwardya, naaresto na
- Naaresto na ang security guard na bumaril at pumatay sa dalawa niyang katrabaho sa Quezon City
- Nangyari ang pamamaril sa loob ng isang car dealership sa Commonwealth Avenue noong bisperas ng Pasko
- Nakunan ng CCTV ang pamamaril habang natutulog ang mga biktima
- Inamin ng suspek ang krimen at sinabing nakaranas umano siya ng pambu-bully
MAKI-TINGIN KA NAMAN: Pwede ka nang mag-comment sa mga artikulo ng KAMI! Subukan mo, madali lang!
Source: Original
Naaresto na ng mga pulis ang security guard na pumatay sa dalawa niyang katrabaho habang natutulog ang mga ito sa loob ng isang car dealership sa Commonwealth Avenue sa Quezon City noong Miyerkoles. Dahil sa insidente, hindi na umabot nang buhay sa Pasko ang dalawang biktima.
Kinumpirma ng National Capital Region Police Office ang pagkakaaresto sa suspek nitong Huwebes. Ayon kay Police Major Hazel Asilo, NCRPO spokesperson, nadakip ang suspek sa Tondo, Maynila.
Batay sa closed-circuit television footage, makikitang nilapitan ng suspek ang kaniyang dalawang kapuwa security guard sa loob ng establisimyento sa Barangay North Fairview. Bandang 2:10 ng madaling araw ng bisperas ng Pasko nang paulit-ulit niyang barilin ang mga biktima habang mahimbing ang tulog ng mga ito.
Sa isinagawang interogasyon, inamin umano ng suspek ang krimen. Ayon sa pulisya, sinabi nito na matagal na raw siyang binu-bully ng kaniyang mga katrabaho.
Like and share our Facebook posts to support the KAMI team! Share your thoughts in the comments. We love reading them!
Isang saksi sa trabaho ang nagsabi na bago ang pamamaril, humingi pa ng payo ang suspek sa ibang empleyado tungkol sa gagawin niya sa mga biktima. Inakala umano ng mga nakausap niya na biro lamang ang kaniyang mga sinabi.
Matapos ang pamamaril, mabilis na tumakas ang suspek sakay ng isang taxi. Naglunsad agad ng operasyon ang mga awtoridad na humantong sa kaniyang pagkakaaresto.
Nakunan ng CCTV ang isang security guard na binaril ang dalawa niyang kapuwa guwardiya habang natutulog sa loob ng isang car dealership sa Quezon City.
Nangyari ang insidente noong madaling araw ng Disyembre 24, na ikinagulat ng mga kalapit na manggagawa at residente.
Idineklara ng mga awtoridad na patay ang dalawang biktima matapos ang pamamaril.
Kinumpirma ng pulisya na naaresto na ang suspek at kasalukuyang nasa kustodiya ng mga awtoridad.
Panuorin ang balita sa bidyong ito:
Sa naunang lokal na ulat ng KAMI, isang pamilya na binubuo ng tatlong miyembro ang walang awang binaril at pinatay sa loob ng kanilang tindahan sa Barangay Mallorca, San Leonardo, Nueva Ecija. Nakuhanan ng CCTV ang tatlong lalaki na pumasok sa tindahan, isinara ang roll-up door, at pagkatapos ay binaril hanggang mamatay ang buong pamilya. Bago tumakas, kinuha pa ng isa sa mga suspek ang isang bag at cellphone ng mga biktima. Ayon sa ulat ni Gary De Leon ng TV5 Frontline Pilipinas, nagsimulang makatanggap ng banta ang pamilya matapos silang magpahiram ng P1-M sa isang residente sa kanilang barangay, na umano’y ginamit ang pera para sa negosyo.
Sa isa pang viral na lokal na ulat, isang 51-anyos na public school teacher sa Las Piñas City ang pinagsasaksak nang maraming beses ng sariling asawa. Base sa ulat ni EJ Gomez sa Unang Balita, nagawa ng 38-anyos na suspek ang krimen sa loob mismo ng faculty room ng paaralan. Sinabi ng pulisya na may security guard ang eskwelahan, pero dahil pamilyar na mukha ang suspek, madali siyang nakapasok at nakalabas. Sabi ng suspek, pumunta siya roon para kausapin ang kanyang asawa at ayusin ang kanilang alitan, pero nauwi ito sa matinding pagtatalo.
Bagong feature: Tingnan ang mga balitang para sa'yo ➡️ hanapin ang "Recommended for you" block at mag-enjoy!
Source: KAMI.com.gh
