Lalaking bagong laya lang, himas rehas ulit matapos manalisi ng cellphone

• Nahuli ang isang lalaking suspek matapos niyang makunan ng CCTV habang nagnanakaw ng cellphone sa Marikina
• Nakalaya lang siya kamakailan pero bumalik sa krimen ayon sa pulisya
• Marami na raw biktima dahil nagpapanggap siyang customer bago magnakaw
• Arestado siya at ngayon ay humaharap sa maraming kaso ng theft

Nagbalik sa kulungan ang isang 51-anyos na lalaki matapos mahuli sa CCTV habang kinukuha ang cellphone sa isang tindahan sa Marikina.

Makikita sa video na para lang siyang namimili pero agad niyang sinunggaban ang cellphone na naiwan sa mesa at itinago ito sa bulsa habang abala ang tindera.

Ayon sa pulisya, hindi ito ang unang beses na nagnakaw siya sa mga tindahan sa lugar.

Marami na raw siyang nadaya dahil nagpapanggap siyang customer at hinihintay ang oras na hindi nakatingin ang nagtitinda.

Sinabi ni Police Colonel Jenny Tecson na madalas cellphone ang target niya.

Nadakip siya ng mga nagpapatrolyang pulis nitong Huwebes matapos magnakaw ulit sa isang photocopying service sa Barangay Concepcion Uno.

Read also

Sikat na YouTuber, hindi inaasahang biglang namatay sa edad na 27

Kuwento ng pulisya, inabot ng biktima ang bond paper na bibilhin sana ng lalaki pero bigla nitong sinunggaban ang cellphone at mabilis na umalis.

Umaabot sa P6,000 ang halaga ng gadget. Lumabas sa imbestigasyon na galing pa siya sa Antipolo para lang magnakaw.

Umamin siya sa ginawa. Sinabi niya na nadala lang siya ng hirap ng buhay at wala siyang maayos na trabaho matapos makalaya.

Nangako siyang magbabago para sa pamilya niya kapag nakalabas muli.

Nahaharap siya ngayon sa patong-patong na kaso ng theft. Nagpaalala ang pulisya sa publiko na maging mas alerto lalo ngayong Ber months.

Sa Pilipinas, ang ibig sabihin ng Ber months ay ang mga buwan na nagtatapos sa “ber” — Setyembre, Oktubre, Nobyembre, at Disyembre.

Panahon ito kung kailan nagsisimula ang mahabang Christmas season sa bansa.

Mas maaga naglalagay ng dekorasyon, tumutugtog ang Christmas songs, at dumarami ang tao sa mga mall at pampublikong lugar.

Mas nag-iingat din ang marami dahil mas madalas ang shopping, biyahe, at iba’t ibang aktibidad, kaya mas mataas ang posibilidad ng krimen at aksidente.

Read also

Lalaking bumibili lang ng isda, tinodas ng isang armadong rider

Panuorin ang ulat sa bidyong ito:

Sa isang naunang ulat ng KAMI, isang pamilya na binubuo ng tatlo ay walang-awang pinagbabaril hanggang mamatay sa loob ng kanilang tindahan sa Barangay Mallorca, San Leonardo, Nueva Ecija. Nakuhanan ng CCTV ang tatlong lalaki na pumasok sa kanilang tindahan, isinara ang roll-up door, at pinagbabaril ang buong pamilya. Bago tumakas, kinuha pa ng isa sa mga suspek ang isang bag at cellphone mula sa biktima. Ayon sa ulat ni Gary De Leon ng TV 5 na “Frontline Pilipinas,” nagsimulang makatanggap ng pagbabanta ang pamilya matapos nilang pautangin ng P1-M ang isang residente sa kanilang barangay, na umano’y ginamit ang pera para sa negosyo.

Sa isa pang viral na lokal na ulat, isang 51-anyos na teacher sa pampublikong paaralan sa Las Piñas City ang paulit-ulit na sinaksak ng sariling asawa. Batay sa ulat ni EJ Gomez ng “Unang Balita,” naganap ang krimen sa loob mismo ng faculty room ng paaralan. Ayon sa mga pulis, may guwardiya ang paaralan ngunit dahil kilala ang suspek sa lugar, madali nitong nagawang makapasok at makalabas. Ayon sa suspek, pumunta siya roon upang kausapin ang kanyang asawa at ayusin ang kanilang hindi pagkakaunawaan, ngunit nauwi ito sa matinding pagtatalo.

Source: KAMI.com.gh