Gwardiya, binaril ng isang job order employee sa Negros

• Arestado ang job order employee ng Sagay City Government na si Alyas Ricky, 55, matapos mamaril sa gwardiyang si Alyas Aguilar sa Barangay Paraiso, Sagay City
• Ayon sa pulisya, nag-iinuman ang biktima at kamag-anak nito sa tapat ng bahay ng suspek bago nangyari ang insidente
• May matagal nang hindi pagkakaunawaan ang magkabilang panig na humantong sa pamamaril gamit ang caliber .45 pistol
• Isinugod sa ospital ang biktima at ngayon ay nagpapagaling, habang inihahanda na ang kaso laban sa suspek sa inquest proceedings

Arestado ang isang job order employee ng Sagay City Government matapos umanong mamaril sa isang gwardiya sa Purok Yarda Dos, Barangay Paraiso, Sagay City, Negros Occidental.

Kinilala ang biktima bilang si Alyas Aguilar, isang gwardiya, habang ang suspek ay si Alyas Ricky, 55 anyos, residente ng Purok Hillside, Barangay Poblacion 2, Sagay City.

Sa panayam ng Bombo Radyo Bacolod kay Police Lt. Col. Alvimar Flores, hepe ng Sagay City Police Station, sinabi niyang “estable na ang kondisyon sang gwardiya nga natiruhan sang suspetsado.”

Read also

Davao de Oro councilor at mister ng isang mayor, namatay matapos dumalo sa trail run event

Ayon kay Flores, nag-iinuman umano ng nakalalasing na inumin ang biktima at isang kamag-anak nito sa tapat ng bahay ng suspek.

“Hiniling ng kamag-anak ng biktima kay Alyas Ricky na makipag-ayos, ngunit dahil matagal nang may hindi pagkakaunawaan ang dalawang panig, ito ang nagresulta sa pamamaril sa biktima," paliwanag ni Flores.

Mabilis na isinugod sa ospital ang biktima at kasalukuyang nagpapagaling.

Sa inisyal na imbestigasyon, natukoy na isang caliber .45 pistol ang ginamit ng suspek sa pamamaril.

Matapos ang insidente, nadakip ang suspek at kasalukuyang inihahanda ang kasong isasampa laban sa kanya sa pamamagitan ng inquest proceedings.

Ayon sa mga awtoridad, patuloy ang kanilang imbestigasyon upang matukoy kung may iba pang sangkot sa insidente at upang malinawan ang buong motibo sa pamamaril.

Ang mga balita, larawan, o video na umaantig sa interes ng mga netizen ay kadalasang nagva-viral sa social media, dahil sa atensyon na ibinibigay dito ng publiko. Ang ganitong mga post ay tumatagos sa emosyon ng mga netizen, at sa ilang pagkakataon, maging ang mga ordinaryong tao ay nagiging bahagi nito dahil sa pagiging relatable nila.

Read also

Motibo sa pamamaril sa eskuwelahan sa Nueva Ecija, tukoy na ng awtoridad

Sa isang naunang ulat ng KAMI, isang pamilya na binubuo ng tatlong miyembro ang walang awang pinagbabaril at pinatay sa loob ng kanilang tindahan sa Barangay Mallorca, San Leonardo, Nueva Ecija. Ayon sa CCTV footage, tatlong lalaki ang pumasok sa tindahan, isinara ang roll-up door, at pinagbabaril ang buong pamilya. Bago tumakas, isa sa mga suspek ay kinuha pa ang bag at cellphone ng biktima. Sa ulat ni Gary De Leon ng ‘Frontline Pilipinas’ ng TV5, lumalabas na nagsimulang makatanggap ng banta ang pamilya matapos umano silang magpautang ng P1 milyon sa isa sa mga residente ng kanilang barangay na sinasabing gagamitin sa negosyo.

Sa isa pang viral na lokal na ulat, isang 51-anyos na public school teacher sa Las Piñas City ang pinagsasaksak ng maraming beses ng sarili niyang asawa. Ayon sa ulat ni EJ Gomez sa ‘Unang Balita,’ naganap ang krimen sa loob mismo ng faculty room ng paaralan. Ayon sa mga pulis, may guwardya naman ang eskwelahan, ngunit dahil kilala na roon ang suspek, madali itong nakapasok at nakalabas. Sinabi ng suspek na gusto lang sana niyang kausapin ang kanyang misis upang ayusin ang kanilang hindi pagkakaunawaan, ngunit nauwi ito sa matinding pagtatalo.

Source: KAMI.com.gh