Mercy ng bandang Aegis matapos ang kanyang surgery: "pag-pray niyo ako guys please!"

- Mismong si Mercy ng bandang Aegis ang nagbigay ng update ukol sa kanyang karamdaman

- Naluluhang ikinuwento nito ang pagsubok na pinagdaraanan niya ngayon

- Idinetalye rin niya ang operasyon na kanyang pinagdaanan at kasalukuyang nararamdaman

- Ang Aegis ang isa sa mga kilalang banda sa Pilipinas na nagpapakita ng tunay na husay ng mga Pilipino pagdating sa musika

Nagbigay ng update ukol sa kanyang kalusugan ang bokalista ng kilalang bandang Aegis na si Mercy Sunot.

Sa isang video clip mula sa kanyang TikTok, ibinahagi ng mang-aawit ang kanyang pinagdadaanan matapos ang isang operasyon sa kanyang baga.

Ayon kay Mercy, matapos ang surgery, nakaranas siya ng hirap sa paghinga kaya't agad siyang dinala sa Intensive Care Unit (ICU).

"Tapos na 'yung surgery ko sa lungs. Pero biglang nahirapan akong huminga. So dinala ako sa ICU. Tapos ngayon, may inflammation 'yung lungs ko so ginagawan na nila ng paraan... Steroids ang pinainom sa akin ng doctor para sa inflammation," aniya sa kanyang post.

Read also

Ai-ai Delas Alas, pinakita ang pag-workout sa gitna ng pinagdadaanan: "Lumalaban!"

Dagdag pa ni Mercy, humihiling siya ng dasal mula sa kanyang mga tagasuporta: "'Pag-pray niyo ako guys please. "'Pag-pray niyo ko na matatapos 'tong pagsubok na 'to. 'Pag-pray niyo ako."

Patuloy ang laban ni Mercy Sunot sa kanyang kalusugan at ang buong banda at mga tagahanga ng Aegis ay umaasa at nananalangin para sa kanyang mabilis na paggaling.

Si Mercy Sunot ay isa sa mga pangunahing bokalista ng Aegis, isang bandang kilala sa kanilang mga makapangyarihang awit at tinig. Ang Aegis ay isa sa mga pinakapopular na rock band sa Pilipinas, na nakilala sa mga kantang tulad ng "Halik," "Sinta," at "Luha." Sa loob ng mahigit dalawang dekada, napanatili nila ang kanilang popularidad at naging bahagi ng maraming henerasyon ng mga musikang Pilipino.

Ang grupo ay may malaking kontribusyon sa pag-usbong ng OPM (Original Pilipino Music) at patuloy na hinahangaan ng kanilang mga fans hindi lamang sa bansa, kundi pati na rin sa ibang bansa kung saan may mga Pilipino.

Read also

Sofia Andres, ni-like ang komento na nagtatanong kung pre-nup photos na ang post niya

Samantala, tulad ng Aegis, isa rin ang Side A sa mga kilala at respetadong banda sa Pilipinas. Kamakailan ay naging usap-usapan ang pahayag ni Joey Generoso, ang dating bokalista ng banda kung saan nasabi nitong hindi na siya pinahintulutan ng writer at dating kabanda na si Joey Benin na kantahin ang 'Forevermore.'

Source: KAMI.com.gh