Vice Ganda, humingi ng paumanhin matapos isyu sa skit ng It’s Showtime

• Naglabas ng public apology si Vice Ganda matapos ang kontrobersyal na skit sa It’s Showtime na umani ng batikos mula sa ilang manonood
• Sa segment na Memerimar, nagbiro si Vice Ganda matapos dumura ng tubig sa mukha ng Baby Dolls member na si Johaira, na agad binatikos online dahil umano sa colorist undertones
• Ayon kay Vice Ganda, ang layunin ng programa ay magpasaya at hindi makasakit, kaya’t humingi siya ng paumanhin sa mga na-offend sa biro
• Nangako ang host na magiging mas maingat ang kanilang grupo sa mga susunod na skit upang matiyak na ang comedy ay mananatiling masaya at hindi nakakasakit

Naglabas ng public apology si Vice Ganda matapos ang kontrobersyal na skit sa It’s Showtime na umani ng batikos mula sa ilang manonood.

Ang isyu ay nagsimula sa segment na Memerimar ng Laro Laro Pick, kung saan kasama ang Baby Dolls member na si Johaira. Sa skit, dumura ng tubig si Vice Ganda sa mukha ni Johaira at nagbiro ng, “Anong nangyari sa ’yo? Bakit nagputik ka?”

Read also

Titser, sinakal ng sariling pamangking ‘di pinautang

Agad itong umani ng reaksyon mula sa netizens. Ang ilan ay nakakita ng biro bilang bahagi ng karaniwang humor ng programa, ngunit marami ang nagsabing nakakasakit ito at may colorist undertones.

Matapos kumalat ang video online, naglabas ng pahayag si Vice Ganda bago matapos ang episode. “Nakarating po sa aming kaalaman na may mga madlang people po na hindi nagustuhan o na-offend sa ilan sa aming jokes o biruan dito sa Showtime, pati na rin sa mga ginagawa namin sa Memerimar na they found the jokes offensive or insensitive.”

Dagdag pa niya, “Gusto lang namin ipaalam po sa inyo na the last thing we want is to displease you o hindi mapasaya ang aming madlang people. Kaya naman, ina-acknowledge po namin ang inyong sentimyento at humihingi po kami ng paumanhin sa inyo.”

Vice Ganda ay nangakong magiging mas maingat sa mga susunod na biro. “We will try to do better. Maraming maraming salamat po.”

Maraming netizens ang nagpahayag ng pasasalamat sa comedian sa kaniyang pag-amin at paghingi ng paumanhin. Gayunpaman, nanawagan ang ilan na mas maging consistent ang programa sa paggawa ng mga biro na masaya ngunit hindi nakakasakit.

Read also

Makeup artist ni Kris Aquino, nagbigay ng hint sa kaniyang comeback

Si Vice Ganda ay kilala bilang isa sa pinakamalaking personalidad sa telebisyon at pelikula sa Pilipinas. Bukod sa pagiging host ng It’s Showtime, siya rin ay isang matagumpay na comedian, recording artist, at box-office star. Sa kabila ng kaniyang tagumpay, hindi rin siya ligtas sa mga kontrobersya, lalo na sa mga biro na minsang nagiging sensitibo para sa publiko.

Bukod sa apology na ito, kamakailan ay iniulat din ng Kami.com.ph ang ilang isyu na kinasangkutan ni Vice Ganda:

Sa isang ulat, nag-react sina Boy Abunda, Wilma, at Kazel Kinouchi sa isyu nina Vice Ganda at Kim Chiu. Ang kanilang mga pahayag ay nagbigay ng dagdag na perspektibo sa kontrobersya. Basahin ang buong ulat dito.

Sa isa pang artikulo, nilinaw ni Vice Ganda na hindi si Kim Chiu ang nagha-handle ng kaniyang social media accounts. Ang pahayag na ito ay nagbigay linaw sa mga haka-haka online. Basahin ang buong ulat dito.

Source: KAMI.com.gh