Jopay Paguia, nagbahagi ng mahalagang aral sa wastong pagbabahagi ng paniniwala sa kapwa

• Nag-post ang dating SexBomb Dancer na si Jopay Paguia ng isang makabuluhang mensahe sa Facebook tungkol sa tamang paraan ng pagbabahagi ng pananampalataya
• Binigyang-diin ng celebrity mom na ang tunay na paniniwala ay dapat nakaugat sa pagmamahal at hindi sa pagmamataas o panghuhusga sa ibang tao
• Ayon kay Jopay ay mas mahalaga ang pakikinig at pagpapakita ng habag kaysa sa basta-bastang pagtuturo o pagpuna sa pagkakamali ng kapwa
• Ani ng aktres ay ang pagpili sa pagmamahal ang pinakamalakas na testimonya na maipakikita ng isang tao sa kanyang buhay

Sa gitna ng ingay ng social media, isang tahimik ngunit makapangyarihang pagninilay ang ibinahagi ni Jopay Paguia sa kanyang mga followers. Hindi tungkol sa sayaw o showbiz ang kanyang post, kundi tungkol sa kung paano ba talaga dapat isabuhay ang pananampalataya sa harap ng ibang tao. Ayon kay Jopay, ang pagbabahagi ng paniniwala ay isang magandang hangarin, ngunit dapat ay mag-ingat tayo sa paraan ng paggawa nito.

Read also

Sofia Trazona, ibinida ang pagpapabeauty: "Para maganda tayong haharap kay Lord"

Sa kanyang Facebook post, ipinaliwanag ni Jopay na “Sharing faith is a beautiful desire, but how we do it matters just as much as what we say.” Naniniwala siya na kapag ang salita ay nanggagaling sa pride o pagmamataas, nawawala ang tunay na ganda ng mensahe. Dagdag pa niya, “When our words come from a place of pride or self-righteousness, the message no matter how true can easily be lost. Faith was never meant to be forced, proen, or used to place ourselves above others. It was meant to be lived out in love.”

Binanggit din ng aktres na ang pamamaraan ng Diyos ay laging nagsisimula sa habag bago ang pagtutuwid. Para kay Jopay, kung ang nararamdaman ng mga tao ay tila hinuhusgahan sila sa halip na mahalin, baka ang paraan ng paglapit natin ang dapat suriin. “God’s way has always been compassion before correction, understanding before judgment, and grace before instruction. If people feel condemned instead of loved, perhaps it’s not their hearts that are closed but our approach that needs reflection,” ang matalinghagang pahayag nito.

Read also

Sarina Hilario, ibinahagi ang paghahanda ng unang ASAP performance with Daddy Jhong

Iginiit din niya na ang tunay na pananampalataya ay nag-aanyaya at hindi nananakot. Sa halip na magsalita nang magsalita, mas mahalaga ang matutong makinig sa pinagdaraanan ng iba. “Real faith invites, not intimidates. It listens, not just speaks. And it remembers that love is the loudest testimony we can ever give. It chooses love first. Always. That is Christianity,” pagtatapos ni Jopay.

Si Jopay Paguia-Zamora ay kilala bilang isa sa mga orihinal at pinakasikat na miyembro ng iconic dance group na SexBomb Girls. Bukod sa pagiging mahusay na mananayaw at aktres, siya ay isa na ngayong debotong asawa kay Joshua Zamora at mapagmahal na ina. Sa paglipas ng panahon, mas nakilala si Jopay sa kanyang pagiging vocal tungkol sa kanyang mga realizations sa buhay at espirituwal na paglago, na nagsisilbing inspirasyon sa kanyang mga taga-hanga.

Ang ganitong mga positibong pahayag ni Jopay ay patuloy na sinusubaybayan ng publiko, lalo na’t kilala siya sa pagiging bukas sa kanyang mga personal na karanasan, gaya ng kanyang mga huling balita sa Kami.com.ph:

Matatandaang ibinahagi rin ni Jopay ang mga detalye tungkol sa kanyang naging knee procedure upang linawin ang espekulasyon ng ilan. Sa ulat na Jopay Paguia shares details, clarifications on knee procedure, ipinaliwanag niya ang kahalagahan ng pag-aalaga sa katawan lalo na para sa isang mananayaw na katulad niya. Nagpasalamat din siya sa mga dasal ng kanyang mga tagasuporta para sa kanyang mabilis na paggaling.

Read also

Izzy Trazona, naglabas ng makabuluhang mensahe sa gitna ng pambabatikos sa kanyang asawa

Bukod dito, naging emosyonal din ang aktres nang talakayin ang mga pinagdaanan ng kanilang grupo para sa muling pagsasama-sama sa entablado. Sa artikulongJopay Paguia, inihayag mga sakripisyo sa likod ng sold-out na SexBomb reunion, ikinuwento niya ang hirap at pagod na naging kapalit ng tagumpay ng kanilang concert. Ipinakita nito ang dedikasyon ni Jopay hindi lamang sa kanyang sining kundi maging sa kanyang mga kasamahan sa industriya.

Source: KAMI.com.gh