Sarina Hilario, ibinahagi ang paghahanda ng unang ASAP performance with Daddy Jhong

• Masayang ipinakita ni Sarina Hilario ang mga behind-the-scenes preparation nila ng kanyang Daddy Jhong
• Ito ay para sa kauna-unahan nilang pagsasama sa ASAP stage noong Linggo, February 15
• Makikitang tila ni namana ni Sarina ang husay ng kanyang amang si Jhong sa pagsasayaw at pagpe-perform
• Dahil dito, umani ng papuri mula sa netizens ang dance number na ito ng mag-ama

Ibinahagi ni Sarina Hilario sa isang Facebook post ang isang makasaysayang sandali sa kanyang karera sa musika—ang kanyang kauna-unahang pag-guest sa entablado ng ASAP, ang iconic Sunday noontime variety show ng ABS-CBN.

Sa naturang post, inilahad niya ang emosyonal na karanasan ng unang pag-apak sa entabladong minsang pinagsimulan ng kanyang ama mahigit tatlong dekada na ang nakalilipas.

Ayon sa caption ng kanyang post, hindi lamang ito simpleng guesting kundi isang pamilyar at makasaysayang pagtatagpo ng dalawang henerasyon ng musika, ama at anak, sa iisang entablado:

"MY FIRST TIME ON THE ASAP STAGE... Behind the scenes of my first guesting on ASAP. On the same stage my Dad started on 30+ years ago… now we finally performed together. Thank you to the whole @asapofficial family and the team behind it for all your love and support"

Read also

Izzy Trazona, naglabas ng makabuluhang mensahe sa gitna ng pambabatikos sa kanyang asawa

Agad na umani ng positibong reaksyon ang post mula sa netizens, kapwa tagahanga at mga personalidad sa industriya ng aliwan. Marami ang nagpahayag ng paghanga sa emosyonal na tagpong ito at sa simbolismo ng pagpapatuloy ng pamana sa sining at musika sa loob ng kanilang pamilya.

Ayon sa mga tagasuporta, ang sabayang pagtatanghal ng mag-ama sa ASAP ay hindi lamang isang personal na milestone para kay Sarina, kundi isang makabuluhang sandali sa kasaysayan ng lokal na telebisyon at musika, na sumasalamin sa ugnayan ng nakaraan at kasalukuyang henerasyon ng mga artista.

Patuloy namang pinupuri ng publiko ang ASAP bilang entabladong nagbibigay-daan sa ganitong mga makabuluhang sandali—kung saan nagtatagpo ang talento, pamilya, at kasaysayan sa iisang tanghalan.

Sa kasalukuyan, si Sarina Hilario ay hindi lamang kilala bilang anak ng dancer, actor at TV host na si Jhong Hilario kundi isa na ring batang performer at influencer. Una siyang napapanood sa vlog ng kanyang ama, at kilala sa kanyang pagiging lively, expressive, at likas na entertainer. Kalaunan ay nagkaroon na siya ng sarili niyang Facebook page kung saan mapapanood ang kanyang mga nakakakaaliw na video. Bukod sa pagsasayaw, abala rin siya sa pag-aaral at sa mga proyekto sa social media, kung saan marami na siyang tagasubaybay na humahanga sa kanyang talento at karisma.

Read also

Sunshine Garcia, nagpasalamat kay Alex Castro sa pagiging supportive nito

Katunayan, nag-viral kamakailan ang video ni Sarina kasama ang 'The Streetboys' na isa sa mga sumikat na dance group ng Pilipinas. Sa naturang video, makikitang si Sarina pa ang nagtuturo sa kanyang ama at kapwa miyembro ng Streetboys ng TikTok dance na 'Opalite'. Malinaw na ang dugo ng pagiging isang performer ay dumadaloy sa kanyang mga ugat. Dahil dito, marami ang nagsasabing siya na raw ang “next generation dancer” na magpapatuloy sa legacy ng kanyang ama at ng grupong minsang nagbigay-sigla sa Pinoy dance scene.

Source: KAMI.com.gh