Benj Manalo, may matamis na mensahe para sa wedding anniversary nila ni Lovely Abella

• Ipinagdiwang ni Benj Manalo ang kanilang ika-5 wedding anniversary ni Lovely Abella
• Pinasalamatan ng aktor ang Panginoon para sa biyaya at gabay sa kanilang limang taong pagsasama bilang mag-asawa
• Ipinahayag ni Benj ang kanyang pananabik na gumawa pa ng maraming alaala kasama si Lovely
• Tampok sa post ang mga larawan ng kanilang masayang pamilya, kabilang ang kanilang mga anak

Sa gitna ng saya at pasasalamat, muling pinatunayan ng aktor na si Benj Manalo ang kanyang wagas na pagmamahal para sa asawang si Lovely Abella. Sa isang Instagram post, ibinahagi ni Benj ang kanyang katuwaan sa pag-abot nila sa isang mahalagang milestone sa kanilang buhay-mag-asawa.

"5 years and counting, seeing Gods grace into our marriage, thank you, Lord," ang bungad na mensahe ni Benj sa kanyang caption.

Ayon sa aktor, ang kanilang samahan ay bunga ng biyaya ng Maykapal na patuloy na gumagabay sa kanilang pamilya.

Hindi rin nakalimutan ni Benj na magbigay ng isang napakatamis na mensahe para kay Lovely.

Read also

Anne Curtis, muling bumanat sa Showtime habang pino-promote ang 'The Loved One'

"I love you my everything @lovelyabella_, can't wait to create more memories with you everyday," pahayag niya. Tinawag din niya ang asawa na "langga" at sinabing "lagi ako in love sa imo."

Nagbahagi rin si Benj ng mga serye ng larawan na nagpapakita ng kanilang journey bilang mag-asawa.

Kasama rito ang kanilang mga sweet photos na magkasama, mga litrato mula sa kanilang pormal na event, at ang isang masayang picture kasama ang kanilang mga anak sa isang makulay na background. Ang post na ito ay muling nagpakita ng tibay at tamis ng relasyong #BenLy na hinahangaan ng marami nilang followers.

Sa comment section, marami ang talagang kinilig sa post na ito ng aktor para sa kanyang misis. Aniya pa nga ng isang netizen, "I love you both! Inspirasyon namin kayo! Happy Anniversary!"

Swipe left para makita pa ang iba:

Si Benj Manalo ay isang Filipino aktor. Anak siya ng tanyag na komedyanteng si Jose Manalo at Anna Lyn Santos. Nakilala siya sa kanyang pagganap bilang Pinggoy sa hit seryeng FPJ's Ang Probinsyano, pati na rin sa iba pang palabas tulad ng On the Wings of Love at Kadenang Ginto. Bukod sa telebisyon, nagtagumpay din siya sa teatro, kasama ang Rak of Aegis. Sa kanyang personal naman na buhay, si Benj ay ikinasal kay Lovely Abella noong 2021 sa Quezon City.

Read also

Gladys Reyes, nagbahagi ng madamdaming mensahe para sa wedding anniversary nila ni Christopher Roxas

Sa nakaraang ulat ng KAMI noong 2025 ay nag-post si Benj Manalo ng heartfelt birthday greeting para sa kanyang asawang si Lovely Abella. Sa naturang online post, nagpasalamat si Benj sa Diyos dahil sa kanyang misis. Ipinagmamalaki rin niya ang patuloy na paglago ni Lovely sa relasyon nito sa Diyos. Nangako naman si Benj na susuportahan niya si Lovely sa lahat ng ginagawa nito.

Samantalang noong taon din na iyon ay umani ng atensyon si Benj Manalo dahil sa kanyang health update. Sa Instagram, ibinahagi ni Benj ang isang video clip niya na nagpaantig sa marami. Nagsulat kasi ang aktor ng isang makabuluhang mensahe tungkol sa kanyang faith. Ang nasabing post ay may kinalaman sa kanyang post-surgery recovery.

Source: KAMI.com.gh