Anne Curtis, muling bumanat sa Showtime habang pino-promote ang 'The Loved One'

• Viral ngayon ang naging hirit ni Anne Curtis sa 'It's Showtime' habang pino-promote ang pelikulang "The Loved One"
• Pabirong sinabi ng aktres na kung ayaw ng mga manonood sa English dialogue ay wag na lang sila manood
• Ang hirit na ito ay tila pagpapatuloy ng kanyang viral na sagot sa isang basher sa platform na X kamakailan
• Nakatakdang ipalabas ang The Loved One sa mga sinehan nationwide simula ngayong February 11

Mukhang hindi pa rin tapos ang "bardagulan" era ng tinaguriang Dyosa ng Philippine showbiz na si Anne Curtis. Sa gitna ng promotion para sa kanyang inaabangang pagbabalik-pelikula kasama ang aktor na si Jericho Rosales, muling nagpakawala ng isang nakakatawa ngunit diretsong hirit ang aktres sa entablado ng It's Showtime.

Habang ibinibida ang kanilang pelikulang The Loved One, hindi nakalimutan ni Anne na banggitin ang usaping naging viral sa social media tungkol sa mga linya sa pelikula.

"Medyo English-English-an ang dialogue kaya kung ayaw niyo yun, wag kayong manood," pabirong pahayag ni Anne habang hawak ang mic at nasa stage ng programa.

Read also

Gladys Reyes, nagbahagi ng madamdaming mensahe para sa wedding anniversary nila ni Christopher Roxas

Ang nasabing komento ay konektado sa naging sagot ni Anne sa isang netizen sa X (dating Twitter) noong nakaraang araw. Matatandaang isang basher ang kumuwestiyon sa trailer ng pelikula, na sinagot ni Anne ng isang matapang na "di wag ka manood."

Ang simpleng hirit na ito ay umani ng mahigit ilang milyong views at naging usap-usapan online.

Sa kabila ng mga ganitong banat, lalong naging excited ang mga fans na mapanood ang chemistry nina Anne at Jericho. Ang The Loved One ay nakatakdang ipalabas sa mga sinehan nationwide simula sa February 11, at inaasahang magiging isa sa mga biggest hits ngayong taon.

Si Anne Curtis-Smith ay isang Filipino-Australian na aktres at TV host. Nakilala siya sa iba't ibang teleserye gaya ng Hiram, Maging Sino Ka Man, at Dyosa. Simula noong 2009, isa na siyang pangunahing host ng noontime variety show ng ABS-CBN na It's Showtime. Ang kanyang nakababatang kapatid na si Jasmine ay isa ring aktres. Sa personal na buhay, ikinasal si Anne kay Erwan Heussaff. Noong 2020, isinilang nila ang kanilang unang anak na si Dahlia Amélie.

Sa nakaraang ulat ng KAMI noong 2025 ay inamin ni Anne Curtis na "nakakainggit" ang pag-unlad ng Singapore dahil sa higpit nito laban sa korapsyon. Pinuri ng aktres ang disiplina ng Singapore sa ilalim ni Lee Kuan Yew na nagresulta sa maayos na kalsada at transportasyon. Nagpahayag siya ng lungkot dahil sa talamak na "greed" o kasakiman sa Pilipinas na pumipigil sa potensyal ng bansa. Nanawagan siya sa mga Pilipino na bumoto nang tama para sa isang lider na tunay na lalaban sa katiwalian.

Read also

Vice Ganda, napahirit sa diretsong sagot ni Anne Curtis sa basher: "Ay may umorder ng pika"

Samantalang noong taon din na iyon ay marami ang naaliw sa palitan nina Anne Curtis at Erwan Heussaff. Sa Instagram, nag-post kasi si Anne ng isang "French lesson" video. Dahil sa video, napa-comment tuloy ang kanyang mister na si Erwan. Ang sagot naman ni Anne kay Erwan ay kinakiligan at kinagiliwan ng marami sa kanilang mga fans sa social media.

Source: KAMI.com.gh