Kylie Padilla, naging emosyonal sa bonding session kasama ang kanyang mga fans

• Nakipag-bonding si Kylie Padilla sa kanyang mga fans para sa isang espesyal na year-end get-together
• Ipinasilip ng aktres ang mga thoughtful na regalo ng fans, kabilang ang isang Harry Potter-themed cake at 'Hara Amihan' figure
• Nagpasalamat si Kylie sa "Kylievers" dahil sa pagiging supportive nito para sa kanya sa lahat ng pagkakataon
• Siniguro ng aktres na mananatili rin siyang tapat at laging handang suportahan ang kanyang mga tagahanga

Sa gitna ng pagtatapos ng taon, isang punong-puno ng pagmamahal na gabi ang naranasan ng aktres na si Kylie Padilla kasama ang kanyang solid na community. Sa isang series ng Instagram stories, ipinakita ni Kylie ang saya ng kanilang naging year-end party at bonding sa isang lugar.

Sinalubong si Kylie ng isang malaking banner na may titulong "A Year-End Get Together with Kylie Padilla" mula sa grupong Kylie Believers, o KylieVers. Hindi lamang simpleng party ang inihanda ng mga fans, dahil talagang pinag-isipan din nila ang mga regalong ibinigay sa aktres.

Read also

Angeline Quinto, ibinahagi ang saya ng Pasko na puno ng "love and laughter"

Ipinagmalaki ni Kylie ang isang cute na "Hara Amihan" figure at isang birthday cake na may edited photo pa niya kasama si Daniel Radcliffe na gumanap bilang 'Harry Potter.'

Dahil sa ipinakitang effort ng kanyang mga tagahanga, naging emosyonal ang pasasalamat ni Kylie.

"Sobrang thoughtful niyong lahat. Yung mga gift niyo, hindi lang basta gift but sobrang pinagisipan. Thank you @kylievers_," sulat niya sa kanyang post.

Binigyang-diin din ng aktres kung gaano kahalaga sa kanya ang suporta ng mga ito sa bawat aspeto ng kanyang buhay at career.

"Lagi kayong andyan para sakin at nandito rin ako para sa inyo. Salamat for the Christmas Party and bonding. Mahal na mahal ko kayong lahat," dagdag pa niya. Ang tagpong ito ay nagsilbing paalala na ang relasyon ni Kylie sa kanyang mga fans ay higit pa sa pagiging idolo, kundi parang isang tunay na pamilya.

Si Kylie Padilla ay isang aktres, modelo, at mang-aawit na kilala sa kanyang trabaho sa Philippine showbiz. Siya ang anak ni Robin Padilla, isang kilalang action star sa bansa, at ni Liezl Sicangco. Nakilala si Kylie dahil sa kanyang mga roles sa mga serye ng GMA Network. Ipinakita rin niya ang kanyang husay sa iba't ibang drama at romansa na palabas. Sa personal niyang buhay ay ikinasal si Kylie kay Aljur Abrenica noong 2018, at may dalawa silang cute na anak na lalaki.

Read also

Ion Perez, may sweet na mensahe sa kanyang 'Best Actor' na si Vice Ganda

Sa nakaraang ulat ng KAMI ay nag-react si Kylie Padilla sa video ng kanyang mga anak na sina Alas at Axl na naglalaro kasama ang anak nina AJ Raval at Aljur Abrenica. Matagal nang umikot ang tsismis tungkol sa pamilya nina AJ at Aljur bago ito kumpirmahin ng aktres. Sinabi ni Kylie na alam na niya ang tungkol dito noon pa at piniling hindi ito ilantad para sa kapakanan ng mga bata. Nagpasalamat si AJ sa magandang relasyon ng kanilang mga anak at nagustuhan ito ni Kylie.

Samantalang noong October ay nagpakaprangka kamakailan si Kylie Padilla sa isang Q&A video. Nag-post kasi ang GMA ng isang "Kapuso Exclusives" na video niya. Dito ay natanong ang aktres tungkol sa usapang "dealbreakers." Dahil dito, talagang nagpakatotoo si Kylie.

Source: KAMI.com.gh