Iñigo Jose ng PBB celebrity collab 2.0, naluha nang pag-usapan ang ina

• Hindi napigilang maluha ni Iñigo Jose na maluha tuwing mapapag-usapan ang ina
• Pansin ito ni Ogie Diaz kaya naman nausisa niya ang PBB ex-housemate gaano kahalaga ang ina nito sa kanya
• Doon nabanggit ni Iñigo ang papuri at pagmamalaki sa ina na siyang nagtataguyod ngayon sa kanilang magkakapatid
• Si Iñigo ay anak ng aktor na si James Blanco at tila sinusundan din ang yapak ng ama sa pag-arte

Mainit na usap-usapan ngayon ang naging emosyonal at taos-pusong pahayag ni Iñigo Jose, isa sa mga housemate ng Pinoy Big Brother Celebrity Collab Edition 2.0, matapos ang kanyang panayam kay Ogie Diaz.

Sa nasabing interview, mas lalong nakilala ng publiko ang mas personal na bahagi ng buhay ni Iñigo, lalo na pagdating sa kanyang pamilya at sa kanyang ina na itinuturing niyang inspirasyon.

Hindi napigilan ni Iñigo ang ipahayag ang kanyang labis na paghanga sa kanyang ina.

Aniya, “Sobrang hanga ako sa mom ko, sobra!” Dagdag pa niya, “My mom is really strong.”

Read also

Karla Estrada, sinagot ang mga pumuna sa kanyang itsura sa PBB: "Ako pa rin yan!"

Ayon sa kanya, malaki ang papel ng kanyang ina sa kung sino siya ngayon, lalo na sa paghubog ng kanyang karakter at pananaw sa buhay.

Bukod sa pagiging inspirasyon, ibinahagi rin ni Iñigo ang kanyang mga plano sa hinaharap, lalo na sa kanyang pag-aaral.

Buo ang kanyang determinasyon na tapusin ang kanyang sinimulan, “Magtatapos ako promise. I have two more years in college… ‘yun muna.”

Para kay Iñigo, mahalaga ang edukasyon bilang pundasyon ng kanyang mga pangarap.

Isa rin sa mga pinakanakapukaw ng damdamin ng mga manonood ang kanyang hangaring masuklian ang sakripisyo ng kanyang ina.

Ayon sa kanya, “I wanna give her the strength she gave me… I want to buy her a new house.”

Gayunpaman, nilinaw rin niyang hindi materyal na bagay ang sukatan ng kanilang pamilya sa pagmamahal, “I love my mom. I don’t really have anything in mind na gusto ko bilhin sa kanya.” Dagdag pa niya, “We’re not really materialistic na family.”

Read also

Kiray Celis, may post ukol sa pagiging 'on-screen husband to best man' ni Enchong Dee

Sa kabuuan, ipinakita ni Iñigo Jose na sa kabila ng kasikatan at kompetisyon sa loob ng PBB, nananatiling pamilya, pagmamahal, at pangarap ang kanyang inuuna na maituturing na isang larawan ng anak na may pusong mapagmahal at may malinaw na direksyon sa buhay.

Narito ang kabuuan ng panayam sa kanya ni Ogie Diaz:

Si Iñigo Jose ay kilalang anak ng aktor na si James Blanco at ng kanyang asawa na si Tania Creighton-Castillo. Siya ang panganay sa kanilang tatlong magkakapatid at may dalawang nakababatang kapatid na sina Sebastian at Natalia. Lumalabas na rin si Iñigo sa larangan ng showbiz at unti-unting bumubuo ng sariling pangalan. Kabilang sa kanyang mga hakbang ang pag-sign sa Star Magic bilang talent at ang paglahok sa programang Pinoy Big Brother: Celebrity Collab Edition 2. Sa pamamagitan ng mga proyektong ito, ipinapakita ni Iñigo ang kanyang interes, kakayahan, at dedikasyon sa industriya ng showbiz bilang isang batang artista ngayon.

Ang Pinoy Big Brother: Celebrity Collab 2.0 ay isang reality television show ng ABS-CBN kung saan nagsasama ang mga celebrity housemates mula sa Kapamilya at Kapuso networks. Sila ay naninirahan sa Bahay ni Kuya, sumasailalim sa iba’t ibang pagsubok, nominasyon, at botohan ng publiko bilang bahagi ng kompetisyon. Ito ay binubuo ng 10 Kapamilya at 10 Kapuso stars na sina: Sofia Pablo, Princess Aliyah, Heath Jornales, Marco Masa, Anton Vinzon, Waynona Collings, Caprice Cayetano, Lee Victor, John Clifford, at Ashley Sarmiento mula Sparkle. Mula sa Star Magic naman ay sina Joaquin Arce, Miguel Vergara, Krystal Mejes, Carmelle Collado, Eliza Borromeo, Rave Victoria, Iñigo Jose, Lella Ford, Reich Alim, at Fred Moser.

Read also

Atom Araullo, may "storytime" tungkol sa isang sekyu na laging bumabati sa kanya

Source: KAMI.com.gh