Sam Milby, humarap sa bagong pagsubok sa kalusugan: “It’s part of my life now”

Published 30 Oct 2025 at 3:15 PM

by Glory Mae Monserate

4 min read

Sam Milby ibinahagi na mayroon siyang Latent Autoimmune Diabetes in Adults o Type 1.5 Diabetes
Kinumpirma ng kanyang mga doktor sa Singapore na posibleng mauwi ito sa Type 1 Diabetes
Inamin ng aktor na labis siyang nalungkot ngunit tinatanggap na niya ang kondisyon bilang bahagi ng buhay
Patuloy si Sam sa pagiging aktibo at mahigpit sa diet upang mapanatili ang kalusugan

Narito na ang paghahanap sa KAMI! Basahin ang mga balita tungkol sa iyong paboritong mga bituin sa pamamagitan lamang ng pag-type ng kanilang pangalan sa search bar!

Kapamilya actor-singer Sam Milby ay muling humarap sa publikong may mabigat na balita tungkol sa kanyang kalusugan. Sa isang panibagong update, ibinahagi ni Sam na ang kanyang sakit ay mas seryoso kaysa sa una niyang akala.

Sam Milby, humarap sa bagong pagsubok sa kalusugan: “It’s part of my life now” (📷@samuelmilby/IG)
Source: Instagram

Matatandaang noong Hunyo 2024, ibinunyag ni Sam na siya ay may Type 2 Diabetes Mellitus (T2DM). Nakatanggap siya noon ng pagmamahal at suporta mula sa kanyang mga kaibigan sa industriya, at marami rin ang nag-alay ng dasal para sa kanyang paggaling. Sa kabila ng diagnosis, nanatiling positibo ang aktor at sinimulan ang mga medikal na hakbang para labanan ang sakit.

Read also

Batang pulubi, nasawi matapos masagasaan ng SUV sa España, Manila

Noong Hunyo 2025, sumailalim si Sam sa Stem Cell Therapy, isang modernong paraan na layuning tulungan ang katawan na maibalik ang normal na paggana ng pancreas at makontrol ang diabetes. Sa panahong iyon, umaasa si Sam na makatutulong ito upang mapabuti ang kanyang kalusugan.

Ngunit kamakailan, base sa ulat ng Bandera, ibinahagi ng aktor na hindi na lamang simpleng Type 2 Diabetes ang kanyang kondisyon. Matapos ang mga pagsusuri sa Singapore, kinumpirma na siya ay may Latent Autoimmune Diabetes in Adults (LADA) — mas kilala bilang Type 1.5 Diabetes.

PAY ATTENTION: Follow us on Instagram - get the most important news directly in your favourite app!

“There was a fan who messaged, made a comment, ‘maybe you’re not Type 2 (diabetes), maybe you’re Type 1.5.’ So, I did my research also,” kuwento ni Sam. Dahil dito, kinausap niya ang kanyang endocrinologist at sumailalim sa mga blood tests upang makumpirma ang diagnosis.

Ayon kay Sam, “It’s bad. Type 1 is the worst; Tito Gary (Valenciano) has Type 1. It means that your pancreas does not produce any insulin at all. So, I may have to start insulin shots, eventually. Ganoon talaga.”

Ibinahagi rin ng aktor na kahit maingat siya sa pagkain at aktibong namumuhay, hindi niya inasahan na mauuwi sa ganitong kondisyon ang kanyang kalusugan. “This surprised me because I’ve always been careful with my food,” ani Sam.

Read also

Patrick Dela Rosa, pumanaw matapos ang tatlong taong laban sa lung cancer

Sa kabila ng diagnosis, pinipilit ni Sam na manatiling kalmado at positibo. “I’m trying to be more physically active. I’m trying to play pickleball, ‘yong nauuso ngayon, that’s my cardio. Sometimes, I run,” aniya.

Ayon pa sa kanya, sinusunod pa rin niya ang mahigpit na diet at pinapanatili ang malusog na lifestyle upang hindi tuluyang lumala ang kondisyon. Tanggap na niya ang sitwasyon at tinuring na itong bahagi ng kanyang buhay.

Ang Latent Autoimmune Diabetes in Adults (LADA) ay isang uri ng diabetes na may katangian ng parehong Type 1 at Type 2 Diabetes. Bagama’t unti-unti ang pag-develop nito, sa kalaunan ay maaaring kailanganin ng insulin therapy tulad ng sa mga may Type 1 Diabetes.

Si Sam Milby ay isa sa mga kilalang aktor at recording artists ng ABS-CBN. Nakilala siya sa mga serye tulad ng Maging Sino Ka Man at Only You. Bukod sa kanyang karera sa showbiz, kilala rin si Sam sa pagiging health-conscious at sa kanyang aktibong lifestyle.

Ngayon, sa kabila ng kanyang kondisyon, marami pa rin ang humahanga sa kanyang katatagan at inspirasyon na patuloy na nagbubukas ng usapan tungkol sa diabetes awareness sa Pilipinas.