Michael V., aminadong “ninenerbyos” sa unang beses na makatrabaho si Vice Ganda

• Michael V. ibinahagi ang kanyang emosyon sa unang beses na makatrabaho si Vice Ganda para sa Bubble Gang 30th anniversary special
• Aminado ang dalawa na pareho silang ninenerbyos bago ang kanilang eksena sa sketch
• Chariz Solomon tinawag na “humbling” ang makitang kabado pa rin ang dalawang comedy icons
• Ang collaboration nina Michael V. at Vice Ganda ay tinuring na makasaysayang sandali sa local comedy

Hindi araw-araw na nagsasama sa isang entablado ang dalawang haligi ng komedya — ngunit nangyari ito sa espesyal na anibersaryo ng Bubble Gang. Sa 30th anniversary special ng longest-running gag show ng GMA, nagtagpo sina Michael V. at Vice Ganda sa isang sketch na agad na naging viral sa mga manonood dahil sa taglay nitong humor, chemistry, at good vibes.

Sa panayam ng GMANetwork.com, ibinahagi ni Michael V. na kahit pareho na silang batikan sa industriya, hindi niya napigilan ang kaba nang makasama sa eksena si Vice Ganda.

Read also

Ate ni Emman Atienza, may emosyonal na tribute para sa nakababatang kapatid

“Pareho kaming kinakabahan,” ani Bitoy. “Pareho kaming ninenerbyos, siguro dahil nag-a-anticipate kami, hindi namin alam ‘yung how it is to work with each other. And siguro nung na-realize namin na pareho kami kinakabahan dun medyo lumuwag e nang konti na parang na-realize ko, ‘Oh! Tao lang pala siya.’”

Ayon kay Bitoy, malaking bagay na pareho silang nakaramdam ng parehong emosyon, kaya naging mas magaan at natural ang kanilang performance. “The same with na-realize niya ‘yun na tao lang din pala ako. Pareho kami ng emotions, pareho kami ng nararamdaman and mabuti na lang it turned out really-really well,” dagdag pa niya.

Kasama rin sa segment si Chariz Solomon, na nagsabing inspirasyon ang makita ang dalawang comedy greats na kabado pa rin sa kabila ng tagumpay at karanasan. “Ang ganda, it’s humbling kasi parang makita mo ang isang Vice Ganda at isang Michael V. na kinakabahan at nahihiya pa rin sa isa’t isa… validating na kaba is always good and tao pa rin tayo at the end of the day,” ani Chariz.

Read also

Video ni Jinkee habang karga ni Manny ang pamangkin, kinagiliwan ng netizens

Dagdag pa niya, “At lahat ay pinaghihirapan talaga nila, nakita n’yo naman hindi basta-basta ‘yung ginawa nila. Kung saan sila ngayon, ‘yung narating nila, pinaghirapan nila ‘yan. Tao sila.”

Ang naturang sketch ay tumatak bilang isa sa mga highlight ng Bubble Gang anniversary special, na nagpapatunay na kahit gaano kataas ang narating ng isang artista, nananatiling mahalaga ang kababaang-loob at respeto sa kapwa performer.

Si Michael V. o Beethoven del Valle Bunagan ay isang multi-awarded comedian, actor, at creative director ng Bubble Gang. Kilala siya sa kanyang matalinong parodiya at versatility sa comedy. Samantala, si Vice Ganda o Jose Marie Viceral ay isang top-tier comedian, TV host, at box-office star, na kilala sa kanyang mga witty banat at pagiging makulay sa It’s Showtime.

Ang kanilang unang pagsasama sa entablado ay itinuturing na “dream collaboration” para sa mga tagahanga ng komedya sa bansa.

Sa isang kamakailang panayam, ipinaliwanag ni Vice Ganda ang dahilan kung bakit walang Magpasikat segment ngayong taon sa It’s Showtime. Ayon sa kanya, kailangan muna nilang magpahinga matapos ang matinding paghahanda sa nakaraang taon. Binanggit din niyang mas pinili nilang ituon ang oras sa mga bagong proyekto at pagre-refresh ng kanilang creative energy bilang hosts.

Read also

Teacher sa Iloilo, inireklamo ng tatlong magulang sa umano’y pangmomolestya

Samantala, naging mainit ang usapan online matapos mag-react ang personal assistant ni Heart Evangelista sa isang komento ni Vice Ganda. Bagama’t hindi malinaw ang konteksto ng pahayag, naging mitsa ito ng diskusyon tungkol sa respeto at pananaw ng mga artista sa kanilang staff. Gayunman, nanatiling kalmado si Vice at hindi na pinatulan pa ang isyu, na nagpakita ng kanyang propesyonalismo.

Source: KAMI.com.gh