Ellen Adarna, aliw na aliw sa 'contractor' posts ni Edu Manzano: "The shade haha, I cannot"

• Si Ellen Adarna ay talagang tawang tawa sa beteranong aktor na si Edu Manzano
• Kamakailan ay nag-post kasi si Edu ng series of edited photos niya bilang 'contractor'
• Agad itong napansin ni Ellen at ni-repost sa kanyang opisyal na Instagram account
• Say tuloy ni Ellen sa mga posts ng aktor, "Math ain't mathing but corruption sure is"

Si Ellen Adarna, dating aktres, ay hindi naitago ang kanyang tuwa at amusement matapos makita ang mga patok na 'contractor' posts ng beteranong aktor na si Edu Manzano sa social media.

Matatandaang nag-trending si Edu matapos mag-upload ng serye ng mga edited photos kung saan makikita siya bilang isang 'engineer' na tila namumuhay nang marangya sa bansa.

Sa kanyang unang post, ibinahagi ni Edu ang edited photo kung saan nakaupo siya sa loob ng isang luxury car na may Hermès pillow sa tabi niya. May caption ito na: "Second day at work... pero abot na hanggang second life ang budget ko." Agad itong nireact-an ni Ellen na talagang tuwang tuwa sa sense of humor ni Edu sa social media, "From Cardi B to this. Lovet! Hahaha!"

Read also

Andi Eigenmann, naaliw nang mapanood si Philmar sa Netflix: "Sino ang makeup artist mo dito?"

Kasunod nito, nag-post si Edu ng larawan na nakasuot siya ng bathrobe habang napapalibutan ng paper bags mula sa mga high-end brands gaya ng Dior, Chanel, Gucci, at Louis Vuitton. May caption pa nga ito kung saan binabati ni Edu ang mga taxpayers sa bansa: "Good morning, mga taxpayers! Saturday morning, no site visit, no stress... Just Ladurée, a Rolls-Royce, and taxpayer's money brewed to perfection. #CroissantOverConstruction #MorningFundedByTheNation."

Sa pagkakataong ito, aliw na aliw si Ellen at nag-react ng, "Pak! Pang-magazine cover #RoadToTrillions ganern! Kung ganito rin sana ka-gwapo yung contractor eh noh? Hahahaha."

Hindi pa doon natapos ang kasiyahan dahil nagbahagi rin si Edu ng isa pang edited photo kung saan suot niya ang protective gear ng isang engineer. Sa caption, pabirong sinabi ng aktor: "Relax, guys... Ako na bahala... Sa road to forever. Bill, Bill, Bill. 20% Semento, 80% Kupit." Natawa naman si Ellen at nagkomento ng, "The shade haha, I kennot. Math ain't mathing but corruption sure is."

Read also

Bianca Gonzalez sa satire na 'GRWM Nepo Edition' video ni Macoy Dubs: "Paano ba 'to?"

Maging sa isa pang satirical post ni Edu kung saan nagpasalamat siya sa taxpayers para sa kanyang kape, ay nag-react muli si Ellen ng, "Waiting for a high-grade matcha flex post! When your drink is greener than your ghost projects." Sa kabuuan, labis na naaliw si Ellen sa witty at satirical humor ni Edu na agad namang kinagiliwan din ng mga ibang netizens online.

Si Ellen Adarna ay isang Filipina actress, model, at personality sa social media na kilala sa kanyang candid personality at kapansin-pansing ganda. Unang nakilala si Ellen sa mundo ng showbiz sa pamamagitan ng kanyang mga papel sa iba't ibang palabas sa telebisyon. Bukod sa kanyang karera sa entertainment, kilala rin siya sa pagiging tapat at walang filter sa social media. Sa kanyang personal na buhay, siya ay kasal kay Derek Ramsay. Bago nito, naging bahagi siya ng isang high-profile na relationship kay John Lloyd Cruz, kung saan nagkaroon sila ng anak.

Read also

Eric Quizon, labis ang pasasalamat kay Lea Salonga: "Beyond grateful"

Sa nakaraang ulat ng KAMI ay nagpasiklab ng usapan sa social media si Ellen Adarna dahil sa kanyang reaksyon sa Instagram video ni Nasser Qazi. Naunang mag-post si Nasser ng video kung saan tinalakay niya ang tungkol sa "what makes a woman flourish." Para kay Nasser, higit pa sa materyal na bagay at palagiang romansa, mas mahalaga ang kaligtasan at emosyonal na seguridad. Nang mapanood ang video, nag-react si Ellen at pinalawak pa ang ideya tungkol dito.

Samantalang naging usap-usapan kamakailan lang ang dating aktres na si Ellen Adarna dahil sa post nito sa kanyang page. Sa Instagram, ipinakita kasi ni Ellen ang message na natanggap niya nito lamang. Makikitang tila may umuutang sa kanya bilang pambayad sa kanilang inuupahan. Agad naman itong sinagot ni Ellen na may halong pagkaprangka sa social media page niya.

Source: KAMI.com.gh