Kathryn, 'di akalaing magtatambal sila ni James Reid: “Ang dami nang possibilities ngayon”

• Hindi raw akalain na Kathryn Bernardo na magtatambal sila ni James Reid
• Matatandaang pareho silang mula kani-kanilang love teams noon
• Bukod dito, naging off cam din ang kanilang relasyon sa mga dating ka-love team
• Dahil dito, kapana-panabik ang proyektong ginagawa na ngayon at inaasahang ipalalabas sa susunod na taon

Kapana-panabik ang inihahandang proyekto ng dalawang malalaking pangalan sa industriya ng showbiz na sina Kathryn Bernardo at James Reid matapos kumpirmahin na magsasama sila sa isang teleserye na inaasahang ipapalabas sa susunod na taon.

Ito ang kauna-unahang pagkakataon na magsasama sa isang proyekto ang dalawa, na parehong galing sa kani-kanilang sikat na love teams noon.

Sa panayam ni MJ Felipe ng ABS-CBN Entertainment, tinawag niya itong “The collab that we did not expect.” Ayon kay Kathryn, hindi rin niya inakalang mangyayari ito.

“I did not expect this too. Baka si James hindi rin niya ine-expect,” ani Kathryn.

Read also

Emman Atienza, nagbigay pahayag ukol sa isyu ng pagiging “nepo baby”

“Sinabi ko rin sa kanya nung nagshu-shoot kami for that video, and our look test, parang grabe who would have thought na after ilang years, we’re both from different love teams and it’s our comeback na rin. Wala posible na po talaga ngayon. It’s just exciting… Ang dami nang possibilities ngayon.”

Matatandaang parehong nagmula sa mga sikat na love teams ang dalawa. Si Kathryn ay naging bahagi ng KathNiel kasama si Daniel Padilla, habang si James Reid ay nakilala bilang half ng JaDine kasama si Nadine Lustre.

Si Kathryn Bernardo ay isa sa pinakasikat na aktres sa Pilipinas na nakilala sa mga hit teleserye tulad ng “Mara Clara,” “Pangako Sa ’Yo,” at mga pelikula gaya ng “Hello, Love, Goodbye” na naging highest-grossing Filipino film sa kasaysayan. Kamakailan lamang ay naging abala siya sa paggawa ng pelikulang “A Very Good Girl” kasama si Dolly de Leon, at patuloy ang kanyang pag-explore ng mga challenging roles matapos ang matagumpay na pagbabalik bilang isang solo leading actress. Matatandaang gumawa ng ingay ang paghihiwalay nila ng kanyang dating ka-love team atboyfriend for 11 years na si Daniel Padilla.

Read also

Kaila at Daniel, shini-ship ng Incognito fans; namamataan pa rin umano silang magkasama

Si James Reid ay isang Filipino-Australian actor, singer, at songwriter na unang nakilala matapos maging Big Winner ng Pinoy Big Brother: Teen Clash 2010. Sumikat siya bilang kalahati ng tambalang JaDine kasama si Nadine Lustre, na nagbida sa hit teleseryeng On the Wings of Love at Till I Met You. Siya rin ay naging matagumpay sa pelikula sa pamamagitan ng mga box-office films tulad ng Diary ng Panget at Never Not Love You. Bukod sa pag-arte, pinasok niya ang industriya ng musika at itinatag ang record label na Careless Music, na naglalayong isulong ang Filipino talents sa global stage. Hanggang ngayon, aktibo siya sa paggawa ng musika at paglahok sa mga international collaborations.

Ang proyekto nina Kathryn at James ay kasalukuyang nasa production stage at nakatakdang ipalabas sa susunod na taon. Bagama’t hindi pa ibinubunyag ang kumpletong detalye, inaasahan na ito ay magiging isa sa pinakamalaking teleserye ng 2026, lalo na’t pinagsasama nito ang dalawang powerhouse stars ng Philippine entertainment industry.

Source: KAMI.com.gh