Kaila at Daniel, shini-ship ng Incognito fans; namamataan pa rin umano silang magkasama

• Natalakay sa Showbiz Update ni Ogie Diaz ang tungkol kina Kaila Estrada at Daniel Padilla
• Matatandaang una silang nagsama sa Incognito, ang natapos na action-serye ng ABS-CBN kamakailan
• Marami na ang nag-ship sa dalawa lalo na at mga single naman umano ang mga ito
• At kahit natapos nga ang serye, marami pa rin umanong nakakakitang nagkakasama pa rin ang nasabing Incognito Stars

Nag-uumapaw ang usapan ngayon sa social media tungkol kina Daniel Padilla at Kaila Estrada matapos mapansin ng netizens na nagkakasama pa rin ang dalawa kahit tapos na ang kanilang proyekto sa telebisyon.

Matatandaang unang nagsama sina Kaila at Daniel sa Incognito, ang recently-concluded action-serye ng ABS-CBN na pinag-usapan dahil sa intense fight scenes at chemistry ng cast.

Ngayon na wala na silang on-screen project, marami ang nagtatanong kung bakit tila mas madalas parin umano silang nakikitang magkasama.

Ayon sa mga ulat at kwento ng mga nakakasabay nila, hindi lang basta simpleng pagkikita ang nangyayari kundi tila nag-eenjoy silang dalawa sa mga bonding moments kasama ang ilang kaibigan.

Read also

Ogie Diaz sa nababalitang hiwalay na sina Julia at Gerald: "May third party daw"

Hindi rin nakaligtas ang isyung ito sa mapanuring mata ni Ogie Diaz, na nagbahagi ng kanyang opinyon at impormasyon sa kanyang vlog. Ani Ogie:

“Ang alam ko sobrang barkada ngayon ni Daniel at ni Kaila.”

Pero agad ding binuksan ng entertainment host ang posibilidad na baka may namumuong espesyal na ugnayan, lalo na’t pareho silang single. Dagdag pa niya:

“Di naman natin alam kung nanliligaw ba si Daniel kay Kaila. Kasi one time, nanood sila ng Together sa Rockwell sa Powerplant.”

Ibinahagi rin ni Ogie ang feedback ng isang source na nakasabay umano ng dalawa sa sinehan:

“In fairness may kasamang mga barkada. Tapos yung isa sa mga nakasabay nilang nanonood ‘dun sabi sa akin medyo maingay daw, medyo mabungisngis daw sila Daniel, yung mga barkada habang nanonood. So, masaya sila!”

Dahil dito, mas lalo pang uminit ang espekulasyon ng mga fans.

Marami na ang nag-ship sa tambalan nina Daniel at Kaila, lalo na’t parehong single umano ang dalawa.

Read also

Kathryn Bernardo at James Reid, magtatambal sa isang teleserye

May ilan pang nagsasabing bagay silang dalawa dahil sa kanilang good looks at strong personalities.

Sa kabila nito, wala pa ring kumpirmasyon mula sa kampo nina Daniel at Kaila kung may espesyal na namamagitan sa kanila.

Maaaring simpleng pagkakaibigan lamang ang lahat, ngunit ayon sa netizens, “kung madalas na magkasama kahit walang trabaho, baka may something.”

Sa ngayon, mukhang mas pinipili ng dalawa na manatiling private ang kanilang personal na buhay, habang patuloy namang nakatutok ang fans sa anumang susunod na development sa kanilang samahan maging sa posibleng bagong proyekto nila.

Si Daniel Padilla ay isang kilalang aktor at mang-aawit mula sa Pilipinas. Ipinanganak siya noong Abril 26, 1995, at anak siya ng mga aktor na sina Rommel Padilla at Karla Estrada. Naging tanyag siya sa kanyang mga papel sa mga teleseryeng gaya ng Pangako Sa 'Yo, La Luna Sangre, at The Haunted, pati na rin sa mga pelikulang tulad ng Barcelona: A Love Untold, Can't Help Falling In Love, at The Hows of Us na umano'y huling proyekto na pala nila ng dating nobyang si Kathryn Bernardo.

Read also

Niko Baua, nagsalita hinggil sa isyu ng suhulan sa hanay ng media

Samantala si Kaila Estrada naman ay isang aktres at modelo na anak nina Janice de Belen at John Estrada. Nagsimula siya bilang modelo bago sumabak sa pag-arte noong 2021 sa ABS-CBN seryeng Viral Scandal. Nakilala siya sa mahuhusay na pagganap sa mga palabas tulad ng Linlang, Can’t Buy Me Love, at kamakailan sa action-seryeng Incognito. Isa siya sa mga rising stars ng Star Magic na hinahangaan dahil sa kanyang versatility at galing sa drama. Sa kasalukuyan, patuloy siyang umaani ng papuri at mas maraming fans dahil sa kanyang mga impactful roles.

Source: KAMI.com.gh