Annabelle Rama, pumalag sa pagdadawit sa kanya sa tsismis kay Ivana Alawi: “Fake news ‘yan!”

• Pinabulaanan ni Annabelle Rama ang blind item na may kinalaman sa umano’y pag-alis kay Ivana Alawi sa isang pelikula
• Ayon sa kanya, “Fake news ‘yan,” at tiyak na kasama si Ivana sa Shake, Rattle & Roll na bahagi ng MMFF 2025
• Ang espekulasyon ay lumabas matapos ibahagi ni Jun Lalin ang komento ni Byx Almacen tungkol sa blind item sa X (dating Twitter)
• Kasama rin sa pelikula si Richard Gutierrez, anak ni Annabelle, kaya lumitaw ang mga haka-haka

Mariing itinanggi ni Annabelle Rama ang kumakalat na tsismis na may kinalaman sa aktres na si Ivana Alawi. Lumitaw kasi sa social media, partikular sa X (dating Twitter), ang isang blind item na nagsasabing may impluwensyang personalidad na umano’y naglalayong tanggalin si Ivana sa cast ng pelikulang Shake, Rattle & Roll, na bahagi ng Metro Manila Film Festival 2025.

Isa sa mga pangalan na idinadawit ay si Annabelle, na ina ni Richard Gutierrez, isa sa mga tampok sa nasabing proyekto.

Read also

Joaquin Arce sa posibilidad na makatrabaho si Angel: “I need to prove myself first”

Ang isyung ito ay lumutang matapos ibahagi ng entertainment writer na si Jun Lalin ang sinabi ng kanyang kapwa kolumnista na si Byx Almacen. Ayon sa ulat ni Lalin sa Abante, may ilang netizens na nagkomento na si Annabelle raw ang tinutukoy sa blind item, at sinasabing gusto nitong tanggalin si Ivana mula sa nasabing horror movie.

Nang tanungin ni Lalin si Annabelle tungkol dito, mariin itong itinanggi ng beteranang showbiz figure. “Fake news ‘yan! Isulat mo, fake news ‘yan!” ani Annabelle, na kilala sa pagiging prangka.

Dagdag pa ni Annabelle, wala siyang intensyon na manghimasok sa desisyon ng produksyon lalo pa’t final na raw ang listahan ng mga artista. Kinumpirma rin niya na si Ivana ay tiyak na bahagi ng pelikula at ang story conference na orihinal na nakatakda sa Hulyo 29 ay ipinagpaliban sa Agosto 7 upang makumpleto ang mga cast members.

Bukod kina Richard at Ivana, tampok din sa Shake, Rattle & Roll sina Francine Diaz, Kaila Estrada, Fyang Smith, Loisa Andalio, Manilyn Reynes, Janice de Belen, Carla Abellana, Ysabel Ortega, Ashley Ortega, Elijah Alejo, Ryan Bang, JM Ibarra, Dustin Yu, at Seth Fedelin. Sa direksyon nina Shugo Praico at Joey de Guzman, inaasahang magiging isa ito sa mga inaabangang pelikula ngayong taon.

Read also

Vice Ganda, kinausap ang Senior VP ng GMA na si Annette Gozon tungkol kay Shuvee Etrata

Si Annabelle Rama ay isang kilalang personalidad sa industriya ng showbiz sa Pilipinas. Siya ay asawa ng beteranong aktor na si Eddie Gutierrez at ina ng mga kilalang artista tulad nina Ruffa at Richard Gutierrez. Bukod sa kanyang pagiging talent manager, kilala rin siya sa kanyang matapang at prangkang personalidad na madalas ay laman ng mga balita.

Kamakailan lang ay naging usap-usapan si Annabelle hindi dahil sa mga isyung showbiz, kundi dahil sa kanyang kalusugan. Ayon sa ulat ng KAMI, nagkaroon ng health emergency si Annabelle habang nasa Italy. Ibinahagi ni Ruffa Gutierrez sa kanyang Instagram kung paano sila nag-alala para sa kanyang ina at pinasalamatan ang mga doktor at staff sa ospital sa Milan. Basahin ang buong detalye rito:

Sa isa pang artikulo, nakumpirma ring patuloy ang pag-recover ni Annabelle mula sa nasabing medical emergency. Ayon sa update, kasalukuyan pa rin siyang nagpapagaling matapos ang pangyayari, at habang nagpapahinga ay tuloy pa rin ang suporta ng kanyang pamilya. Basahin ang buong balita rito:

Source: KAMI.com.gh