Marissa Sanchez, emosyonal na nagbigay-pugay kay Ricky Davao: “Wala ka na"

-Naglabas ng taos-pusong tribute si Marissa Sanchez para sa pumanaw na aktor at direktor na si Ricky Davao

-Ibinahagi niya ang personal nilang alaala, mula sa unang pagkikita hanggang sa huling pagdalaw sa ospital

-Inalala ni Marissa ang husay ni Ricky bilang aktor, direktor, at lalong-lalo na bilang singer

-Tinawag niyang "isang malaking kawalan" ang pagpanaw ng haliging ito ng showbiz industry

Bumuhos ang emosyon sa social media post ng komedyante at singer na si Marissa Sanchez, matapos niyang ibahagi ang kanyang taos-pusong tribute para sa yumaong aktor at direktor na si Ricky Davao.

Sa kanyang Instagram post, hindi naitago ni Marissa ang lungkot at pamimighati habang kinukuwento ang mga personal niyang alaala kasama si Ricky—mula sa mga simpleng pagkikita noong dekada '90 hanggang sa mga huling sandali nito sa ospital.

"I can’t find d ryt words to say para msulat ko ang mga gusto kong sabhn. Ayoko na magkamali. Pero ayoko ding hndi ako totoo!" panimula ni Marissa sa kanyang emosyonal na post. Ayon sa kanya, unang nagkakilala sila ni Ricky noong 1995 sa Security Bank, Pasay, at simula noon ay naging bahagi na ito ng kanyang personal at propesyonal na buhay.

Read also

Girlfriend ni Ricky Davao, nagbahagi ng madamdaming mensahe sa pagpanaw ng aktor

Inalala rin niya kung paano palaging andun si Ricky tuwing siya’y tumutugtog sa iba’t ibang events, laging handang sumalo kung siya’y paos na. “Ngayon; Wala ng sasalo sakin sa pagkanta pag paos nko,” aniya. Binanggit din niya ang panandaliang workshop na ibinahagi ni Ricky sa kanilang cast sa proyektong Sosyal Climbers, kung saan marami silang natutunan.

Hindi rin kinalimutan ni Marissa ang pagbibigay-pugay kay Ricky bilang mahusay na tagapagtaguyod ng musika. Aniya, “Ikaw ang nagpasikat ng tagalog version ng THAT’s ALL ni Michael Bublè atsaka ung LA’VIEN ROSE,” na isinulat ni Pete Lacaba. Sa kanyang kwento, inalala rin niya ang mga huling sandali ng aktor sa ospital, at kung paanong tila “carbon copy” ni Ricky ang anak nitong si Frikon, na maging sa pagkanta at pagkilos ay hawig na hawig ng yumaong aktor.

Matindi ang lungkot ni Marissa nang sabihing, “Wala ka na.😔” at “Nbawasan na nmn ng haligi ang industriyang pinagkukuhaan ko ng pangkabuhayan sa araw-araw.” Ipinahayag niya rin ang pangungulila hindi lang kay Ricky kundi sa ilan pang mga yumaong beterano ng showbiz tulad nina Tita Gloria Romero at Mamita. "A big loss for the Nth time," ang kanyang huling mensahe, na may panawagan: "Time is really fleeting! Oras na, para wag mag aksaya ng oras!"

Read also

Yanna, humingi ng tawad sa publiko: “Na-feel ko na po yung mundong maraming galit”

Si Ricky Davao ay isa sa pinakakilalang aktor at direktor sa industriya ng telebisyon at pelikulang Pilipino. Sa loob ng mahigit apat na dekada, kinilala siya sa kanyang husay sa pagganap at pagtuturo, at naging bahagi ng maraming mahahalagang proyekto sa showbiz. Maliban sa pagiging aktor, nakilala rin siya sa entablado bilang isang mahusay na mang-aawit. Marami ang nagluluksa ngayon hindi lamang dahil sa kanyang talento kundi sa kanyang kabutihan at propesyonalismong tunay na hinahangaan.

Nagpahayag ng pakikiramay si Megastar Sharon Cuneta kay Ara Davao, anak ni Ricky Davao, matapos ang biglaang pagpanaw ng beteranong aktor. Sa kanyang post, ipinahayag ni Sharon ang kanyang kalungkutan at pagbibigay-galang sa alaala ng isang respetadong artista. Marami ang naantig sa kanyang mensahe at muling napagtanto ng publiko ang lalim ng ugnayan sa loob ng showbiz family.

Sa isang post sa social media, nakiusap si Rikki Mae Davao, isa sa mga anak ni Ricky, na panatilihin ang respeto sa alaala ng kanyang ama. Ayon sa kanya, sana’y huwag nang ipamahagi ang ilang sensitibong larawan o impormasyon ukol sa naging kondisyon ni Ricky sa ospital. Ipinakita ng kanyang pahayag ang dignidad at pagmamahal ng kanilang pamilya sa yumaong ama.

Source: KAMI.com.gh