Kris Aquino, ibinahagi ang paghingi ng paumanhin ni Ogie Diaz kay Dr. Mike Padlan

- Ibinahagi ni Kris Aquino sa Instagram ang insidente sa pagitan ng kanyang kumpare na si Ogie Diaz at dating kasintahan na si Dr. Mike Padlan

- Sinabi ni Kris na na offend si Dr. Padlan sa isang opinyon ni Ogie at hindi naging maganda ang dating nito sa doktor

- Nagpasalamat si Kris Aquino sa kabutihan ni Ogie na humingi ng paumanhin at pinayuhan siyang huwag magdagdag ng stress sa kanyang kalagayan

- Nais ni Kris Aquino na manatili ang magandang samahan nila ni Ogie at magpatuloy ang pag-unawa at pagpapatawad sa kabila ng mga pagsubok

Ibinahagi ni Kris Aquino sa kanyang Instagram post ang insidente sa pagitan ng kanyang kumpare na si Ogie Diaz at ng kanyang dating kasintahan na si Dr. Mike Padlan. Ayon kay Kris, nag-ugat ito sa isang opinyon ni Ogie na hindi naging maganda ang dating kay Dr. Mike.

My pareng Ogie had an opinion that Doc Mike found offensive. Since coming home i only reached out to my kumpare yesterday. He was very gracious and said:

Read also

Kris Aquino, nagpasalamat kay Dr. Mike Padlan: " I still hope your anger will lessen"

Sa kanyang post, ibinahagi ni Kris ang mensahe ng paghingi ng paumanhin ni Ogie, na nagsabi: “Mare, sorry na-stress ka pa. Dr. Padlan sorry dahil naging masama ang dating ng kumento ko sa yo. Nakakapanghinayang, sa ‘kin unang umamin si Mare na may boyfriend syang duktor at nasabi nyang YOU MADE HER FEEL SAFE. Para mas mabilis ang pag galing mo na pinagdarasal ng marami- hindi ko na sya paguusapan. Sorry talaga, Mare, hindi mo kailangan ng stress- bagong opera ka pa man din.”

Pinayuhan ni Ogie si Kris na huwag na magdagdag ng stress sa kanyang kalagayan, lalo na’t kamakailan lamang ay sumailalim siya sa isang operasyon. Ayon kay Kris, nagpapasalamat siya sa kabutihan at malasakit ni Ogie sa kabila ng hindi pagkakaunawaan. Nais ni Kris na manatili ang kanilang magandang samahan at magpatuloy ang pag-unawa at pagpapatawad sa kabila ng mga pagsubok na kanilang kinakaharap.

​Si Kristina Bernadette "Kris" Cojuangco Aquino ay isang kilalang personalidad sa Pilipinas, na tinaguriang "Queen of All Media" dahil sa kanyang matagumpay na karera sa telebisyon, pelikula, at social media. Ipinanganak siya noong Pebrero 14, 1971, sa Quezon City, bilang bunsong anak nina dating Pangulong Corazon Aquino at Senador Benigno "Ninoy" Aquino Jr. Bukod sa pagiging host at aktres, kilala rin si Kris bilang isang negosyante at product endorser. ​

Read also

Angelu de Leon, umalma sa joke ni Ian Sia ukol sa mga single mom

Sa isang Instagram post, ibinahagi ni Kris ang kanyang kasalukuyang kalagayan sa kalusugan. Ibinunyag niya na dumating siya sa ibang bansa na may tatlong na-diagnose na kondisyon, at nadiskubre pa ang dalawa habang siya ay nagpapagamot doon. Naghihintay pa siya ng resulta para sa dalawa pang kondisyon.

Kamakailan ay muling isinapubliko ni Kris Aquino na mayroon na siyang siyam na autoimmune diseases at patuloy siyang dumaranas ng matinding kirot at panghihina. Inilahad niyang kabilang sa kanyang mga sakit ang Lupus, Systemic Sclerosis, at EGPA, ngunit nananatili siyang matatag para sa kanyang pamilya lalo na kay Bimby. Ibinahagi rin ni Kris na kasalukuyan siyang naninirahan sa isang hotel complex sa BGC upang mapanatili ang kanyang "safe zone bubble" at maiwasan ang impeksyon.

Source: KAMI.com.gh