Ina ni Klarisse De Guzman, puring-puri si Trina; tinawag pa itong "manugang"

Ina ni Klarisse De Guzman, puring-puri si Trina; tinawag pa itong "manugang"

- Puring-puri ng ina ni Klarisse De Guzman ang partner ng anak na si Trina Rey

- Katunayan, natawag pa niya itong manugang kaya halos maluha si Trina na katabi niya sa interview

- Matatandaang kamakailan, umamin na sa publiko si Klarisse tungkol sa relasyon nila ni Trina

- Naikwento rin ng ina ni Klarisse na hindi niya inaasahan ang suporta at pagmamahal ng publiko sa kanyang anak matapos ang rebelasyon nito

Hayagang sinabi ng ina ni Klarisse na si Esnobie De Guzman kung gaano kabuti si Trina Rey, ang nobya ng kanyang anak.

Klarisse
Ina ni Klarisse, puring-puri si Trina; tinawag pa itong "manugang" (@klarissedguzman)
Source: Youtube

Sa panayam sa kaila ni MJ Felipe, naikwento nito ang pagkakataong napatunayan niya ang malasakit at pagmamahal sa kanila ni Trina na parang tunay na anak na rin niya kung ituring.

"Mabait po si Trina," nakangiting sabi ng Mama Esnobie ni Klarisse.

Nagbalik-tanaw din ito kung paano inalagaan ni Trina ang ama ni Klarisse hanggang sa bawian ito ng buhay.

Read also

Ina ni Klarisse, naikwentong si Trina ang kasama nila nang mamatay ang kanyang mister

PAY ATTENTION: Follow us on Instagram - get the most important news directly in your favourite app!

"Siya pinakain niya, tapos sabi ng papa ni Klang, paliguan mo ako naiinitan ako. Sabay pa kaming bumagsak ang sugar... Pinaliguan niya 'yung papa ni Klang. Tapos sabi nito, lumabas sabi ng papa niya nahiga, kunin mo 'yung radyo itapat mo sa'kin lakasan mo. Lagay mo sa love song. 'Eto [Trina] lumabas, kinausap niya ako 'tita, bakit ganun po si tito? Ang bigat- bigat nung pinaliguan ko?' Kinabahan na ako kasi di ba po 'pag ganung mabigat... Tapos nung binalikan niya after five minutes, wala na."

Nasa It's Showtime si Klarisse ng panahong iyon kaya naman patunay na malapit na rin talaga ang loob ni Trina sa mga magulang ng kanyang nobya na siya na rin talaga ang nag-aasikaso 'pag wala ito.

"Mabait si Trina. Asikasong-asikaso niya po kami. Daig niya pa ang totoong anak. Hindi siya nandidiri sa'min. Magkalat man kami ng ano diyan, dumi... Mabait po siya... na "manugang," masayang inihayag ni Mama Esnobie. Aminado namang naluluha na si Trina na noo'y kasama niya sa panayam sa kanila ni MJ Felipe.

Read also

Atty. Christian Sia, humingi ng paumanhin sa kanyang ‘single mom joke’

Narito ang kabuuan ng naturang interview mula sa On Cue ng ABS-CBN:

Masasabing makasaysayan ang Pinoy Big Brother Celebrity collab edition ngayong taon dahil ito ang kauna-unahag pagkakataon na nagkasama ang mga Kapamilya at Kapuso stars sa tanyag na bahay ni Kuya.

Maging ang mga host na sina Bianca Gonzalez, Melai Francisco, Kim Chiu, Enchong Dee, Robi Domingo ay nadagdagan ng Kapuso hosts na sina Gabbi Garcia at Mavy Legazpi.

Kamakailan nga ay gumulantang din sa publiko ang pag-amin ni Klarisse De Guzman patungkol sa kanyang pagiging isang bis*xual. Doon ay sinabi rin niyang apat na taon na ang relasyon nila ng kanyang girlfriend na si Trina Rey.Naganap ang naturang rebelasyon sa pagpasok ng ikaapat na house guest ni Kuya na si Michelle Dee.

Marami man ang nagulat sa rebelasyon ni Klarisse, umaapaw naman ang naging suporta sa kanya ng publiko lalo na ng mga miyembro ng LGBTQ community. Matatandaang nabanggit din ni Klarisse sa kanyang pag-amin na alam na ng kanyang mga magulang ang kanyang relasyon kay Trina at bago pa nga pumanaw ang kanyang ama ay naihayag niya ang kalagayan at suportado naman siya nito. At ngayong nasa bahay ni Kuya si Klarisse, si Trina ang kasama at nag-aalaga sa kanyang ina lalo na at nagda-dialysis ito.

Bagong feature: Tingnan ang mga balitang para sa'yo ➡️ hanapin ang "Recommended for you" block at mag-enjoy!

Source: KAMI.com.gh

Authors:
Marisse Gulferica avatar

Marisse Gulferica