Ina ni Klarisse, naikwentong si Trina ang kasama nila nang mamatay ang kanyang mister

- Naikwento ng ina ni Klarisse De Guzman na si Trina ang kanilang kasama ng mamatay ang kanyang mister

- Aniya nasa It's Showtime noon si Klarisse at si Trina talaga ang nag-aalaga sa kanila

- May sakit din siya nang mga panahong iyon kaya naman malaking bagay na naroon si Trina kasama nila

- Puring-puri nito si Trina na parang tunay nilang anak kung kanya itong ituring

Naikwento ni Esnobie De Guzman, ina ng singer at kasalukuyang PBB housemate na si Klarisse De Guzman ang tungkol sa kabutihan ni Trina Rey.

Sa panayam sa kanila ni MJ Felipe, naikwento ni Mama Esnobie na si Trina, nobya ni Klarisse ang kasama nila nang pumanaw ang kanyang mister.

"Mabait po si Trina," ayon sa ina ni Klarisse. "'Yung asawa ko nga po namatay sa palad niya."

"Kasi siya lang ang kasama namin no'n. Kasi si Klang, nasa Showtime. Pati 'yung si Princess. Naiwan si Trina na dalawa kaming nagdedeliryo 'nun. Ako po nandu'n may lagnat, nag-o-oxygen. Si Papa nasa kwarto," pagbabalik tanaw ng ina ni Klarisse.

Read also

Mark Herras, nahingan ng pahayag ni Ogie D ukol sa mga akusasyon sa kanya ni Jojo Mendrez

Puring-puri ni Mama Esnobie si Trina na hands-on sa pag-aalaga sa kanila ng kanyang yumaong asawa.

"Siya pinakain niya, tapos sabi ng papa ni Klang, paliguan mo ako naiinitan ako. Sabay pa kaming bumagsak ang sugar... Pinaliguan niya 'yung papa ni Klang. Tapos sabi nito, lumabas sabi ng papa niya nahiga, kunin mo 'yung radyo itapat mo sa'kin lakasan mo. Lagay mo sa love song. 'Eto [Trina] lumabas, kinausap niya ako 'tita, bakit ganun po si tito? Ang bigat- bigat nung pinaliguan ko?' Kinabahan na ako kasi di ba po 'pag ganung mabigat... Tapos nung binalikan niya after five minutes, wala na."

Narito ang kabuuan ng panayam ni MJ Felipe kina Mama Esnobie at Trina sa On Cue mula sa ABS-CBN News YouTube channel:

Masasabing makasaysayan ang Pinoy Big Brother Celebrity collab edition ngayong taon dahil ito ang kauna-unahag pagkakataon na nagkasama ang mga Kapamilya at Kapuso stars sa tanyag na bahay ni Kuya.

Read also

Maia Azores, naikwentong pinaabogado noon ng kanyang ama si Jhong Hilario

Maging ang mga host na sina Bianca Gonzalez, Melai Francisco, Kim Chiu, Enchong Dee, Robi Domingo ay nadagdagan ng Kapuso hosts na sina Gabbi Garcia at Mavy Legazpi.

Kamakailan nga ay gumulantang din sa publiko ang pag-amin ni Klarisse De Guzman patungkol sa kanyang pagiging isang bis*xual. Doon ay sinabi rin niyang apat na taon na ang relasyon nila ng kanyang girlfriend na si Trina Rey.Naganap ang naturang rebelasyon sa pagpasok ng ikaapat na house guest ni Kuya na si Michelle Dee.

Marami man ang nagulat sa rebelasyon ni Klarisse, umaapaw naman ang naging suporta sa kanya ng publiko lalo na ng mga miyembro ng LGBTQ community. Matatandaang nabanggit din ni Klarisse sa kanyang pag-amin na alam na ng kanyang mga magulang ang kanyang relasyon kay Trina at bago pa nga pumanaw ang kanyang ama ay naihayag niya ang kalagayan at suportado naman siya nito. At ngayong nasa bahay ni Kuya si Klarisse, si Trina ang kasama at nag-aalaga sa kanyang ina lalo na at nagda-dialysis ito.

Source: KAMI.com.gh