Alex Gonzaga, nag-react sa komentong sumailalim sya sa panibagong nose job

Alex Gonzaga, nag-react sa komentong sumailalim sya sa panibagong nose job

- Sumagot si Alex Gonzaga sa netizen na nagtanong kung nagpa-nose job siya muli

- Ipinaliwanag niyang abala siya sa pangangampanya ng kanyang asawa kaya imposible ang pagpa-opera

- Noong Disyembre 2023 ay inamin ni Alex na nagpa-nose job siya matapos ang matagal na pag-iisip

- Maraming celebrity at fans ang pumuri sa kanyang bagong itsura habang may ilan ding nagsabing mas gusto nila ang kanyang natural na ilong

MAKI-TINGIN KA NAMAN: Pwede ka nang mag-comment sa mga artikulo ng KAMI! Subukan mo, madali lang!

Muling pinag-usapan online si Alex Gonzaga matapos magtanong ang isang netizen kung sumailalim na naman siya sa panibagong nose job. Hindi pinalampas ng aktres at TV host ang komento, at agad siyang nag-react sa pamamagitan ng isang witty at makahulugang sagot:

Alex Gonzaga, nag-react sa komentong sumailalim sya sa panibagong nose job
Alex Gonzaga, nag-react sa komentong sumailalim sya sa panibagong nose job (Alex Gonzaga/Facebook)
Source: Facebook

“HAAAA? Nangangampanya asawa ko, nakuha ko pa magpa-opera!??”

Matatandaang noong Disyembre 15, 2023, inamin mismo ni Alex sa Instagram na matagal na niyang pinag-isipan ang pagpaparetoke sa ilong bago niya ito tuluyang ipagawa. Ibinahagi niya noon ang mga larawan ng kanyang bagong itsura, kasama ang caption na:

Read also

AC Bonifacio, sinagot ang mga negatibong komento matapos ang PBB eviction

PAY ATTENTION: Follow us on Instagram - get the most important news directly in your favourite app!

“I say do what makes you happy! After so many years of contemplating, last month I finally decided to do it. Wala ng nakapigil. Now you nose!”

Sa isa pang post, pabirong sinabi ni Alex:

“Magpaganda ka habang wala sa bahay asawa mo.. pagbalik nya tapos nagtaka sya saka mo sabihin ‘ako lang to’ 🤣”

Marami sa kanyang mga kaibigang celebrity ang humanga sa kanyang bagong look. Si Pauleen Luna ay nagkomento ng “Ganda mo,” habang si Zeinab Harake naman ay nagsabing “Ganda ganda mo lalo.” Pati ang batikang mamamahayag na si Karen Davila ay natuwa sa caption ni Alex at sinabing, “Haha you’re the best ❤️ looks good!”

Gayunpaman, hindi lahat ay sang-ayon sa resulta ng cosmetic enhancement ng aktres. May ilan na mas gusto pa rin ang natural na features ni Alex noon. Isa sa mga netizen ang nagkomento, “Sorry but I like your before nose waaaayyy betterrr.” May isa pang nagsabi, “Mas maganda ka po dati. Natural beauty.”

Read also

Aira Lopez, bumwelta sa netizen na nagsabing mukha silang mag-ama ni Mark Leviste

Sa kabila nito, marami rin ang nagtanggol kay Alex, at sinabing normal na ngayon ang mga beauty enhancements gaya ng rhinoplasty. Isang follower ang nagpahayag ng suporta:

“Rhinoplasty or any enhancement is the new norm… let’s embrace it. At wag na kayong mag-comment na naging kamukha si ganyan si ganun kase retokada din sya, mga inggeterang walang pang-retoke!”

Nanindigan si Alex sa kanyang desisyon at nanatiling tapat sa kanyang mga followers. Ayon sa iba, ang pagiging totoo ni Alex sa kanyang cosmetic procedure ay isang bagay na kahanga-hanga sa panahon ng social media.

Sa kabila ng mga puna, pinatunayan ni Alex Gonzaga na wala siyang itinatago at proud siya sa kanyang journey tungo sa mas piniling anyo — isang desisyong siya lang ang may karapatang gumawa.

​Si Alex Gonzaga ay isang kilalang aktres, TV host, at vlogger sa Pilipinas. Ipinanganak siya bilang Catherine Mae Cruz Gonzaga noong Enero 16, 1988, at nakababatang kapatid ng aktres na si Toni Gonzaga. Bukod sa kanyang mga proyekto sa telebisyon at pelikula, naging tanyag si Alex sa kanyang YouTube channel kung saan ibinabahagi niya ang mga vlogs na nagpapakita ng kanyang buhay at karanasan.​

Read also

Arnel Pineda, biktima ng fake news tungkol sa habambuhay na pagkakulong

Sa isang episode ng kanyang podcast na "Ano na Catherine?" noong Enero 4, 2023, inamin ni Alex na nakaranas siya ng insecurities at self-doubt dahil sa palagiang paghahambing sa kanya at sa kanyang ate na si Toni Gonzaga. Sinabi niyang ito ay nagdulot sa kanya ng pakiramdam na hindi siya kasing espesyal ng kanyang kapatid, ngunit sa tulong ng kanyang pamilya at mga kaibigan, nalampasan niya ang mga pagdududa sa sarili.

Sa isang panayam kay Karen Davila, ibinahagi ni Alex na natutunan na niyang huwag pansinin ang mga negatibong komento na natatanggap niya sa social media. Sinabi niyang minsan ay natatawa na lamang siya sa mga ito at hindi na niya ito binibigyan ng halaga. Binanggit din niya na ang kanyang ate na si Toni ay matapang sa pagharap sa mga bashers, at kung siya man ang nasa ganoong sitwasyon, maaaring hindi niya kayanin.

Bagong feature: Tingnan ang mga balitang para sa'yo ➡️ hanapin ang "Recommended for you" block at mag-enjoy!

Source: KAMI.com.gh

Authors:
Glory Mae Monserate avatar

Glory Mae Monserate

Tags: