Maia Azores, naikwentong pinaabogado noon ng kanyang ama si Jhong Hilario

- Masayang ikinuwento nina Jhong Hilario at Maia Azores ang kanilang love story

- Nabanggit ni Maia ang agwat ng edad nila ni Jhong na ayon sa nahuli ay "hindi halata"

- Sinabi pa ni Maia na ipina-abogado pa ng kanyang ama si Jhong

- Sa ngayon, nananatiling matatag ang kanilang pagsasama lalo na at apat na taon na ang kanilang anak na si Sarina

Sa panayam sa kanila ni Karen Davila, isa sa mga naikwento nina Jhong Hilario at Maia Azores ay ang kanilang love story.

Ayon kay Maia, hindi niya talaga kilala si Jhong bilang Streetboys member dahil hindi niya umano panahon ito.Ayon kay Maia, hindi niya talaga kilala si Jhong bilang Streetboys member dahil hindi niya umano panahon ito.

Nakilala na lamang niya ito noong third year college siya kung saan nag-OJT siya sa ABS-CBN partikular sa seryeng kinabibilangan noon ni Jhong, ang Mara Clara.

Read also

AC Bonifacio, sinagot ang mga negatibong komento matapos ang PBB eviction

Masasabing bantay sarado noon si Maia nang maging sila ni Jhong.

"I was always with my parents, I was so sheltered. Nilagay ako sa all-girl school. HIndi ako nakakalabas, hindi ako puma-party. Hindi ko naranasan 'yung ganung experience. So that was the first time I was able to out into the world, nung nag-OJT ako sa ABS-CBN," ani Maia.

Nabanggit din niya ang agwat ng edad nila ni Jhong.

"'Yung age gap namin is 16 years," ayon kay Maia "Kaya kinausap ako ng parents," ang natatawa namang nasabi ni Jhong.

"Pina-lawyer pa ni dad yan," kwento ni Maia. "As in surveillance ako," ayon naman kay Jhong.

Dumating pa umano sa punto na pinaghihiwalay na sila noon ng ama ni Maia. Subalit doon nila mas napatunayan, lalo na ni Jhong ang katatagan at pagmamahalan sa kanilang relasyon.

Narito ang kabuuan ng kanilag pahayag mula sa Karen Davila YouTube channel:

Read also

Mark Herras, umalma sa alegasyon ni Jojo Mendrez sa kanya

Si Jhong Hilario ay isang kilalang Pilipinong aktor, komedyante, at TV host. Isa siya sa mga naging miyembro ng grupong Streetboys, isang popular na dance group sa Pilipinas. Sa ngayon, aktibong host pa rin siya ng noontime show na It's Showtime kung saan tinagurian siya bilang "sample King." Bukod sa kanyang dancing at hosting skills, hinangaan din siya sa larangan ng pag-arte. Sa kabila ng kanyang kabi-kabilang proyekto at halos araw-araw na noontime show, nagagampanan pa rin niya noon ang paglilingkod sa bayan ng Makati bilang konsehal.

Samantala, marami naman ang labis na natutuwa kay Sarina, anak nina Jhong at partner nitong si Maia. Agaw-pansin ang mga father and daughter videos nina Jhong at Sarina lalo na ang kahanga-hangang pagkanta ni Sarina sa mura niyang edad. Matatandaang naglabas na ng music video si Sarina sa awitin ni Frank Sinatra ang 'Fly me to the moon.' Bukod sa awiting ito, madalas din niyang kantahin ang "Moon River" at marami pang iba. Malimit na magbahagi si Jhong ng video ng kanyang anak na talaga namang kinaaliwan ng netizens dahil sa pagiging adorable and talented nito. Isa na rito ang pagkanta niya ng 'Maybe This Time' na muling nagbigay saya sa marami. Katunayan umabot sa mahigit isang milyon ang views ng naturang video. Kilala rin si Sarina bilang isang BINI fan.

Source: KAMI.com.gh