AC Bonifacio, sinagot ang mga negatibong komento matapos ang PBB eviction

- Sinagot ni AC Bonifacio ang mga negatibong komento na ibinato sa kanya matapos siyang ma-evict sa "Pinoy Big Brother Celebrity Edition Collab"

- Naging sentro ng kontrobersya si Bonifacio dahil sa kanyang mga pahayag tungkol sa ibang housemates, partikular kay Ashley Ortega

- Ipinaliwanag ni Bonifacio na naayos na niya ang kanyang mga isyu sa loob ng bahay at wala siyang sama ng loob kanino man

- Sinabi ni Ortega na hindi niya dinamdam ang sinabi ni Bonifacio at pinili niyang huwag gawing malaking isyu ang sitwasyon

Sinagot ni AC Bonifacio ang mga negatibong komento na ibinato sa kanya matapos siyang ma-evict sa "Pinoy Big Brother Celebrity Edition Collab".

Habang nasa loob ng bahay, naging sentro ng usapan si Bonifacio dahil sa kanyang mga pahayag tungkol sa ibang housemates, kabilang si Ortega, ang kanyang ka-duo sa kompetisyon.

“Si Ashley, I feel like is still being fake in this house,” ani Bonifacio.

Read also

Mark Herras, umalma sa alegasyon ni Jojo Mendrez sa kanya

Dahil dito, maraming netizens ang hindi natuwa at inakusahan siyang “backstabber” at “manipulative.” Napansin din ng mga manonood ang pagiging malapit niya kay Michael, na naging usap-usapan sa social media.

Sa kanyang paglabas, inamin ni Bonifacio na nauunawaan niya ang mga reaksiyon ng publiko.

“I understand where they were all coming from, with the situation that was shown. And I could have been that for a moment, for them. But na-resolve ko ‘yung issues ko sa loob, I settled everything before I left. I have no bad blood with anyone in that house,” paliwanag niya.

Dagdag pa niya, marami siyang natutunan sa kanyang karanasan sa PBB at nais niyang pagbutihin ang kanyang sarili sa susunod na pagkakataon.

Samantala, sa isang naunang panayam, nagbigay rin ng pahayag si Ortega tungkol sa sinabi ni Bonifacio. Hindi niya ito dinamdam at mas pinili niyang huwag gawing malaking isyu.

“I appreciate her because she gave me a chance, to get to know me more,” ani Ortega. “I appreciate her opening up to me. I got to know her more, and I hope she got to know me more. Wala naman talaga akong issue with AC.”

Read also

Kris Aquino, aminadong hindi pa rin nalalampasan ang pagkalungkot sa hiwalay kay Dr. Mike Padlan

Sa kabila ng mga naging isyu sa loob ng bahay, mukhang maayos na ang relasyon nina Bonifacio at Ortega, at parehong handa na silang magpatuloy sa kanilang buhay sa labas ng PBB.

Si Andree Camille "AC" Lapidario Bonifacio ay isang Filipino-Canadian na mananayaw, mang-aawit, vlogger, at aktres. Ipinanganak noong Disyembre 13, 2002, sa Vancouver, British Columbia, Canada. Nakilala siya bilang kalahati ng dance duo na "Lucky Aces" kasama si Lucky Ancheta; nagwagi sila bilang unang grand champion sa reality dance competition na "Dance Kids" noong 2016. Bago ito, lumabas na sila sa "The Ellen DeGeneres Show" at nag-perform kasama si Ariana Grande sa isang konsiyerto sa Vancouver noong 2015. Bukod sa pagsayaw, lumabas din si AC sa ilang palabas sa telebisyon, kabilang ang "Your Face Sounds Familiar: Kids" at ang American series na "Riverdale".

Matatandaang sina AC Bonifacio at Ashley Ortega ang unang na-evict sa "Pinoy Big Brother Celebrity Collab Edition" matapos makakuha ng pinakamababang porsyento ng boto na 17.25%. Sa kanilang paglabas, naging emosyonal si AC, na makikita sa larawang inilabas ng ABS-CBN News.

Read also

Mark Herras, pina-blotter ni Jojo Mendrez dahil sa umano'y pagbabanta nito

Ipinagtanggol naman ni Darren Espanto ang kanyang matalik na kaibigan na si AC Bonifacio laban sa mga negatibong komento online habang nasa loob ito ng "Pinoy Big Brother" house. Binanggit ni Darren na madalas na misinterpret ng publiko ang mga kilos at salita ng mga housemates, at iginiit na kilala niya ang tunay na pagkatao ni AC matapos ang walong taong pagkakaibigan.

Source: KAMI.com.gh