Ivana Alawi, emosyonal nang lumabas na sa Bahay ni Kuya

- Emosyonal na lumabas ng Pinoy Big Brother house si Ivana Alawi

- Napatagumpayan diyan niya ang mga tasks sa kanya ni kuya dahilan para makalikom sila para sa collab charity

- Hindi napigil ni Ivana ang kanyang mga luha sa pagpapaalam ni kuya sa kanya sa confession room pa lamang

- Matatandaang si Ivana at unang house guest lamang sa Kauna-unahang celebrity collab edition ng PBB

Umapaw ang emosyon sa paglabas ng "Phenomenal content queen ng Quezon City" na si Ivana Alawi sa Pinoy Big Brother house.

Matatandaang siya ang unang house guest ni Kuya na inakala ng kanyang mga nakasama na housemate din siya.

Sa kanyang pamamaalam. hindi napigilang maiyak ni Ivana lalo na nang ipinakita ni Kuya ang kanyang mga nagawa sa loob lamang ng isang linggo nitong pamamahagi sa PBB house.

Makikitang nakabuo siya ng bagong pamilya kung saan naging ate at naging kaibigan din siya ng mga housemates na napamahal din sa kanya.

Read also

Bride sa ‘Fake Wedding’ at inakusahang nanggayuma, nagsalita na: Pinili umano siya ng Groom

At dahil nagtagumpay siya sa mga tasks na naiatas sa kanya, isa sa mga makabuluhang patutunguhan nito ay ang Collab charity kung saan may Pho60,000 na siyang maibabahagi.

Sa labas ng bahay, sinalubong naman siya ng kanyang nakababatang kapatid na si Mona na aminadong lalong naging proud sa kanyang Ate Ivana.

Ito ay dahil sa naibahagi nila sa mga housemates ang pagmamahal at pagmamalasakit ng kanyang ate na maging siya at nakararanas nito.

Nabanggit din ni Mona na sa pagpasok ng kanyang Ate Ivana bilang house guest, ito ang unang pagkakataong nawalay siya sa kapatid nang walang komunikasyon.

Narito ang ilang mga kaganapan sa paglabas ni Ivana sa bahay ni Kuya mula sa Pinoy Big Brither Youtube:

Si Ivana Alawi ay unang nakilala nang sumali siya sa reality show na "StarStruck" sa GMA-7. Dahil sa kanyang taglay na ganda, sumikat siya sa social media pati na rin sa mundo ng vlogging. Sa kasalukuyan, umabot na sa mahigit 18.6 million ang kanyang mga YouTube subscribers. Isa sa mga pinakahuling naging proyekto ni Ivana ay nang maging bahagi siya ng FPJ Batang Quiapo kung saan ginampanan niya ang karakter bilang si Bubbles.

Read also

Angel Locsin, nakumusta ni Ogie Diaz; nalaman ang dahilan ng paghinto pansamantala sa showbiz

Samantala, hindi pa rin binitawan ni Ivana ang kanyang YouTube channel lalo na at marami ang naaaliw sa kanyang mga vlogs dahil sa kulitan nila ng kanyang pamilya. Makikita rin kasi dito ang kabutihan ng puso ni Ivana na hindi lang siya sa kanyang pamilya matulungin kundi lalo na sa mga kababayan nating kapos-palad.

Matatandaang noong nakaraag Pasko, taong 2024, ilang mga street vendors ang napasaya ni Ivana dahil sa surpresang kanyang dala. Sa tuwing may papayag na vendor na bigyan na lamang ang kanyang kasabwat, na nagpanggap umano na walang pambayad, lalapit si Ivana para hawakan ang paninda at bibilhin na niya ito lahat.

Bago rin magtapos ang nagdaang taon, mga delivery riders naman ang kanyang napasaya gayundin ang mga construction workers na kanyang nakasalamuha. Doon, nakita ni Ivana na hindi basta ang trabaho ng mga construction workers na kanyang sinubukan. Nabigyan niya ang mga ito ng maagang pamasko na ayon sa kanila ay malaking tulong sa kanilang mga pamilya na siyang dahilan kung bakit sila nagsisipag sa kanilang mga hanapbuhay lalo na at karamihan sa kanila'y malayo sa kanilang mga mahal sa buhay.

Source: KAMI.com.gh