Komento ng Yilmaz Bektas sa post ni Ruffa Gutierrez, kinaaliwan

• Kinaaliwan ng netizens ang komento ni Yilmaz Bektas sa Instagram post ni Ruffa Gutierrez tungkol sa kanyang elegante na larawan
• Nagpalitan ng magaan at nakakatuwang sagot sina Ruffa at Yilmaz, na umabot pa sa pagtukoy kay Venice, ang kanilang anak
• Pinuri ng netizens ang magiliw na ugnayan ng dating mag-asawa sa kabila ng kanilang hiwalayan
• Itinuring ng marami ang kanilang palitan bilang inspirasyon sa pagiging civil at magkaibigan para sa kapakanan ng pamilya

Kinaaliwan ng maraming netizens ang palitan ng komento nina Ruffa Gutierrez at ng kanyang dating asawang si Yilmaz Bektas sa isang Instagram post ni Ruffa.

Nagbahagi si Ruffa ng larawan kung saan litaw ang kanyang pagiging elegante, bagay na agad napansin ni Yilmaz na nagkomento ng salitang "Elegant." Sa mabilis na sagot ni Ruffa, kanyang sinabi, "@yilmazbktas çok merci! Btw pls call Venice. ☎️", na tumutukoy sa kanilang anak na si Venice.

Hindi rin nagpahuli si Yilmaz sa pagbibigay ng sagot, na may halong biro: "@iloveruffag okay boss I will 😂". Tinapatan naman ito ng simpleng emoji ni Ruffa na nagpapakita ng kanilang magaan na palitan ng salita: "@yilmazbktas 😂".

Read also

Barbie Imperial, pumalag sa 'third party' comment sa kanya

Maraming netizens ang kinilig at natuwa sa tila magiliw na ugnayan ng dalawa kahit pa matagal na silang hiwalay. Komento ng ilan, nakakatuwang makita ang respeto at pagiging civil nina Ruffa at Yilmaz lalo na para sa kanilang mga anak.

"Ang saya lang! Parang nagbibiruan lang ang magkaibigan," sabi ng isang netizen. Samantala, may ilan ding nagbigay ng papuri sa pagiging mabuting magulang ng dalawa.

Tunay ngang kahit na may pinagdaanang pagsubok, nananatili ang magandang komunikasyon nina Ruffa at Yilmaz para sa kapakanan ng kanilang pamilya.

Si Ruffa Gutierrez o mas kilala bilang si Sharmaine Ruffa Rama Gutierrez sa totoong buhay ay isang Pinay beauty queen, actress, at model. Ang kanyang mga magulang ay sina Eddie Gutierrez at Annabelle Rama. Nanalo siya bilang second runner-up sa Miss World 1993 pageant.

Pinagtanggol ni Annabelle Rama ang anak na si Ruffa sa gitna ng kinasasangkutan nitong kontrobersiya. Wala itong binanggit na pangalan ngunit pinagsabihan ni Anabelle ang taong aniya'y kung magkwento ay parang CCTV ni Ruffa. Aniya, huwag itong maging "chismosang Marites" at ayusin na lang umano nito ang kaso niya.

Read also

Softdrink Beauties, muling nagkasama-sama sa paggunita ng ika-40 taon ng pagkamatay ni Pepsi Paloma

Ayon naman sa abogado ni Ruffa, black propaganda lamang ang nilabas na isyu kaugnay sa aktres. Ito umano ay dahil gaganap si Ruffa bilang si dating First Lady Imelda Marcos sa pelikulang Maid in Malacañang. Tinitingnan umano ng kampo ng aktres ang maaring gawing aksyon upang panagutin ang mga nagpapakalat ng maling impormasyon laban sa kanya.

Source: KAMI.com.gh