Andrea Brillantes, nawindang matapos niyang makatanggap ng motel suki card

• Nag-viral sa TikTok ang reaksiyon ni Andrea Brillantes matapos abutan ng suki card ng isang motel habang nasa umaandar na float
• Napatawa na lamang si Andrea at ibinalik ang card sa lalaki, na ikinatuwa ng mga netizens
• Umani ng libu-libong views at komento ang video, kabilang ang mga papuri sa pagiging chill ni Andrea sa sitwasyon
• Ang suki card ay ibinibigay ng mga motel para magamit sa discounts ng kanilang mga parukyano

Nag-trending sa social media ang isang viral TikTok video kung saan tampok ang reaksiyon ni Kapamilya star Andrea Brillantes matapos siyang abutan ng "suki card" ng isang lalaking netizen habang siya ay nasa isang umaandar na float.

Sa video, makikita na iniabot ng lalaki ang suki card ng isang motel kay Andrea. Matapos niyang makita kung ano ito, napatawa na lamang siya at ibinalik ang card sa lalaki. Sa kabila ng kakaibang eksena, nanatiling kalmado at chill ang Kapamilya star, na nagdulot ng katuwaan sa netizens.

Read also

Rufa Mae Quinto, biktima ng scammers na gumagamit ng kanyang pangalan

Ang naturang video ay may caption na, “The one who gave you the sogo card HAHAHA,” na agad umani ng libu-libong views at comments. Marami ang natuwa sa nakakatuwang reaksyon ni Andrea. Ilan sa mga komento ay, “Haahhahaha loko to sogocard,” “Napa search tuloy ako ng sogocard,” at “Chill siya tawa lang hahaha.”

Ayon sa ilang netizens, naipakita ni Andrea ang kanyang pagiging kalmado at natural na masayahin kahit sa mga di-inaasahang sitwasyon.

Ang suki card ay karaniwang ibinibigay ng mga motel para sa mga kliyenteng nais makatanggap ng discount. Samantala, patuloy na nagbibigay-aliw si Andrea, hindi lang sa kanyang mga proyekto, kundi pati na rin sa viral moments tulad nito.

Si Andrea Brillantes ay isang aktres na nakilala sa kanyang pagganap bilang si Annaliza sa isang kapamilya teleserye. Nakilala siya sa kanyang mahusay na pagganap sa mga kontrabida role kagaya ng kanyang pagganap bilang si Marga Mondragon sa hit TV series na "Kadenang Ginto" na nagkaroon ng remake sa ibang bansa dahil sa tagumpay nito.

Read also

'Sampaguita Girl,' 22-anyos na first-year medical technology student ayon sa mga magulang nya

Nagbigay ng paalala ang kampo ng aktres sa gitna ng natatanggap nito na pambabatikos. Kaugnay ito sa spliced video na ginagamit umano sa kasalukuyan sa mapanirang paraan at ginagamit nang wala sa konteksto. Ito ay ang pahayag ni Andrea tungkol sa kanyang mga bashers na pinapakalat sa kasalukuyan sa social media. Mula ito sa kanyang vlog noong nakaraang taon kung saan binasa niya ang mga hate comments sa kanya.

Ayon kay Andrea, hindi niya sadya ang pagbe-baby talk niya na talaga namang palaging nagtetrending. Aniya, hindi niya napapansin na ganun na siya magsalita at minsan ay nagugulat na lamang siya kapag inaasar na siya ng mga tao. Noong bata umano siya ay kulang umano siya sa pansin kahit bunso siya at hindi siya lumaki sa mga magulang niya. Nababago lang umano niya ito kapag nasa trabaho siya at may role siyang kailangang gampanan.

Source: KAMI.com.gh