Angel Locsin, nagparamdam sa publiko matapos mabawi ang na-hack na X account

• Nabawi ni Angel Locsin ang kaniyang X (dating Twitter) account matapos ang hacking incident nitong Martes
• Nagpasalamat ang aktres sa mga tumulong sa pagbawi ng account at sa suporta ng kaniyang fans
• Kinumpirma ng kaniyang asawa na si Neil Arce ang pagbalik ng kontrol sa account sa pamamagitan ng Instagram at X
• Nagbigay babala ang admin ng Facebook page ni Locsin laban sa pekeng post at kahina-hinalang mga link na ibinahagi ng hacker

Opisyal nang nabawi ni Angel Locsin ang kaniyang X (dating Twitter) account matapos itong ma-hack. Sa isang post nitong Miyerkules, nagpasalamat ang aktres sa kaniyang mga tagasuporta sa pag-alalay sa kaniya sa gitna ng insidente.

“Hello everyone, long time no chat. I just wanna say I have recovered my X account (totoo na to, pramis). Thank you sa mga tumulong and @X for helping. I miss you all and ingat lagi,” ani Locsin.

Sa isa pang tweet, tinag ni Locsin ang kaniyang asawa na si Neil Arce upang kumpirmahin ang pagbawi ng account. Sumagot si Arce ng, “Account recovered,” bilang patunay na nasa tamang kamay na muli ang account ni Locsin.

Read also

Masayang pamilya nina Melai at Jason Francisco, kinaaliwan sa kanilang version ng 'Lalala' trend

Nagsimula ang hacking incident noong Martes, kung saan nagbigay ng babala ang official Facebook page ni Locsin hinggil sa mga kahina-hinalang aktibidad sa kaniyang X account na may handle na @143redangel.

Ayon sa admin ng kaniyang page, “A series of reposts was made by Angel Locsin’s X account @143redangel yesterday. This was not Angel.” Pinayuhan ang publiko na huwag pansinin ang mga link na ibinahagi ng compromised account.

Sa kabila ng babala, nagpatuloy ang hacker sa pagpo-post ng mga hindi awtorisadong updates, kabilang ang maling pahayag na nabawi na umano ang account: “Got my acc back! Thank you for massive sharing! Love.”

Kinlaro naman ni Arce sa Instagram na hindi pa nababawi ang account noong mga panahong iyon at nagbahagi ng screenshot ng pekeng post. “Account not yet recovered. We will be the one to inform everyone if we got it back already,” aniya.

Ang X account ni Locsin, na nilikha noong 2009, ay may 12.3 milyong followers. Mula noong Agosto 2022, naging inaktibo ang aktres sa platform, kaya’t laking tuwa ng kaniyang mga fans na muli niyang nabawi ang kontrol dito.

Read also

Kampo ni Darryl Yap, humiling ng gag order sa korte laban kay Vic Sotto

Si Angel Locsin ang isa sa mga pinaka-iconic na babaeng artista ng ating henerasyon. Bida siya sa mga sikat na teleserye gaya ng “Darna,” “The Legal Wife,” at “Mulawin.”

Patuloy na pinag-uusapan si Angel Locsin sa social media matapos mapansin ng kanyang mga tagahanga na wala siya sa ABS-CBN Christmas ID 2024, na inilunsad noong Lunes, Disyembre 2.

Samantala, sa isang eksklusibong panayam kay Ogie Diaz, ibinahagi ng batikang aktres na si Celia Rodriguez ang kanyang matibay na opinyon tungkol sa pinakamagaling na gumanap bilang Darna.

Source: KAMI.com.gh