Kathryn Bernardo, sinimulan ang 2025 sa pamamagitan ng '12 grapes under the table' trend

• Sinimulan ni Kathryn Bernardo ang 2025 sa tradisyong "12 grapes under the table" para sa suwerte sa bagong taon
• Ibinahagi ng kanyang Mommy Min sa Instagram ang video ng aktres na sumusunod sa paniniwalang pagkain ng 12 ubas ay magdadala ng magandang kapalaran
• Suot ni Kathryn ang blue at white polka dot tube top na ipinares sa white pants habang tumalon din para sa dagdag na suwerte
• Bida si Kathryn sa bagong pelikulang "Hello, Love, Again" kasama si Alden Richards na sequel ng 2019 blockbuster na "Hello, Love, Goodbye"

Masayang sinalubong ni Kathryn Bernardo ang Bagong Taon sa pamamagitan ng isang tradisyon para sa suwerte! Sa Instagram, ibinahagi ng kanyang Mommy Min ang isang video kung saan makikitang sumali ang aktres sa nauusong "12 grapes under the table" challenge.

Ayon sa paniniwala, ang pagkain ng 12 ubas sa loob ng unang minuto ng taon ay magdadala ng magandang kapalaran sa buong taon. Sa video, suot ni Kathryn ang isang blue at white polka dot tube top na ipinares sa white pants, na sinamahan pa ng pagtalon para sa karagdagang suwerte.

Read also

Dennis Trillo, nagbiro tungkol sa viral TikTok question na “May ABS pa ba?”

Katatapos lang din ng aktres na bumida sa pelikulang "Hello, Love, Again" kasama si Alden Richards, ang sequel sa kanilang matagumpay na pelikulang "Hello, Love, Goodbye" noong 2019.

Masaya ang mga fans sa pagbabahagi ni Kathryn ng kanyang positibong simula ng taon, at umaasa rin silang magiging kasing tagumpay ang kanyang 2025 gaya ng mga nakaraang taon.

Si Kathryn Bernardo ay isa sa mga sikat na aktres sa Pilipinas na unang nakilala sa mundo ng showbiz nang gumanap siya bilang ang batang Cielo sa Kapamilya teleseryeng "It Might Be You". Kinalaunan ay naipareha siya kay Daniel Padilla at nakilala ang kanilang tambalan bilang "KathNiel."

Patuloy sa pagbasag ng mga rekord ang "Hello, Love Again" dahil sa napakalaking tagumpay ng pelikula. Una, nalampasan nito ang "Rewind" bilang pinakamalaking kinita ng isang pelikulang Pilipino sa kasaysayan. Ngayon, ito ang kauna-unahang pelikulang Pilipino na umabot sa mahigit P1 bilyon ang kabuuang kita.

Read also

Flight Attendant na nakaligtas sa Jeju Air Crash: “What happened? Why am I here?”

Samantala, nagbahagi si Alden Richards ng ilang nakakakilig na litrato kasama si Kathryn Bernardo habang sila ay nasa Calgary, Canada. Sa parehong post, nag-iwan siya ng mensahe ng pasasalamat sa lahat ng sumuporta sa kanilang pelikulang "Hello, Love, Again."

Source: KAMI.com.gh