Ivana Alawi, agaw-pansin ang birthday post; inulan ng pagbati

• Inulan ng pagbati ang birthday post ni Ivana Alawi
• Ilan sa mga kilalang personalidad na bumati kay Ivana ay sina Marian Rivera, Zeinab Harake Esnyr Ranolo at Donalyn Bartolome
• Sa pagpasok pa lamang ng kanyang birthday month, kabi-kabilang pagtulong na ang nagawa ni Ivana na mapapanood sa kanyan YouTube channel
• Ilan sa mga nabigyan niya ng surpresang pamasko ay ang mga nakasalamuhang construction workers at Street vendors na may mabubuting puso

Sa pagdiriwang ng kanyang 28th birthday ngayong December 25, inulan ng pagbati ang post ni Ivana Alawi sa kanyang mga social media page.

Makikita sa umpisa ng kanyang reel ang isang Ivana na tila bagong gising at matapos na mahipan ang candle ng kanyang birthday cake, nag-transform na ito sa isang imahe ni Ivana na nasasalamin din sa kanya.

Dahil dito, ilang mga kilalang personalidad ang bumati sa kanya sa mala agaw-eksena niyang post.

Ilan sa mga nagpaabot ng pagbati sa kanya ay sina Donalyn Bartolome, Zeinab Harake at maging si Marian Rivera.

Read also

BINI Aiah, tuloy ang "Aiahdvocacy"; nagbigay pamasko sa mga batang may cleft palate

Binati rin siya ng content creator na si Esnyr Ranolo na kamakailan lamang ay inilabas ang video kung saan nakasama nito si Ivana.

Sa pagpasok pa lamang noon ng kanyang birthday month, walang humpay na pamamahagi na ng pamasko at biyaya ang mga content ni Ivana sa kanyang YouTube channel.

Ang pinakahuli nga ay nang mamigay siya ng surpresa sa mga street vendors na may mabubuting kalooban.

Narito ang kabuuan ng naturang post:

Samantala, si Ivana Alawi ay unang nakilala nang sumali siya sa reality show na "StarStruck" sa GMA-7. Dahil sa kanyang taglay na ganda, sumikat siya sa social media pati na rin sa mundo ng vlogging. Sa kasalukuyan, umabot na sa mahigit 18.2 million ang kanyang mga YouTube subscribers.

Marami ang naaaliw sa mga vlogs ni Ivana sa kanyang channel dahil sa kulitan nila ng kanyang pamilya. Makikita rin kasi dito ang kabutihan ng puso ni Ivana na hindi lang siya sa kanyang pamilya matulungin kundi lalo na sa mga kababayan nating kapos-palad.

Read also

Julia Barretto, clueless sa 'Dennis Julia' meme: "Oh my Goodness!"

Katunayan, kamakailan lamang ay ang mga delivery riders naman ang kanyang napasaya gayundin ang mga construction workers na kanyang nakasalamuha. Nabigyan niya ang mga ito ng maagang pamasko na ayon sa kanila ay malaki ang maitutulong sa kanilang mga pamilya na siyang dahilan kung bakit sila nagsisipag sa kanilang mga hanapbuhay.

Source: KAMI.com.gh