Ivana Alawi, may maagang pamasko sa mga nakasalamuhang construction workers

- Namahagi muli ng biyaya ang aktres na si Ivana Alawi

- Ito ay matapos niyang maging construction worker for a day sa kanyang bagong vlog

- Inalam niya kung ano nga ba ang iba't ibang ginagawa ng mga construction workers na kumikita umano ng Php600, 700 pataas kada araw

- Saludo umano si Ivana sa mga construction workers na siyang nasa likod ng naggagandahan at matitibay na naitatayong bahay at iba pang gusali

Tila naging maaga ang pasko sa construction site na nabisita ng aktres at content creator na si Ivana Alawi.

Ito ay matapos na mamahagi ni Ivana ng biyaya sa mga nakasalamuha niya sa pagiging isang construction worker sa isang araw.

Inalam ni Ivana ang bawat trabahong nakaatang sa mga trabahador sa isang construction site.

Nakikain din siya sa mga luto at dalang pagkain ng mga ito habang nakipagkwentuhan.

Doon niya nalaman na pawang ang mga pamilya ng mga workers na ito ang inspirasyon kung bakit ganoon na lamang ang sipag at determinasyon ng mga ito.

Read also

Xian Gaza sa pasabog ni Jam Villanueva: "Kompirmd yung splook ko noon"

Karamihan sa mga ito ay walang ipon ngunit ito ay dahil sa halos wala nang matira sa kanila oras na magpadala na sila sa kanilang pamilya.

Mayroong nabahaginan ng Php2,000, Php5,000 at ang isang tinagurian pa ni Ivana na si Ironman ay nakatanggap ng Php20,000.

Bumilib si Ivana sa worker na ito na 20 taon nang nagtatrabaho at nagsimula siya umanong maging construction worker sa edad na 13.

Dahil dito, mas lalong bumilib si Ivana sa mga construction workers na hindi biro ang trabaho, at kumikita ng Php600, 700 pataas.

Si Ivana Alawi ay unang nakilala nang sumali siya sa reality show na "StarStruck" sa GMA-7. Dahil sa kanyang taglay na ganda, sumikat siya sa social media pati na rin sa mundo ng vlogging. Sa kasalukuyan, umabot na sa mahigit 18.2 million ang kanyang mga YouTube subscribers.

Marami ang naaaliw sa mga vlogs ni Ivana sa kanyang channel dahil sa kulitan nila ng kanyang pamilya. Makikita rin kasi dito ang kabutihan ng puso ni Ivana na hindi lang siya sa kanyang pamilya matulungin kundi lalo na sa mga kababayan nating kapos-palad.

Read also

Carlo Aquino, inilarawan ang mga pagbabago sa panya bilang asawa ni Charlie Dizon

Kamakailan, ibinahagi ni Ivana ang dahilan kung bakit siya naospital. yon kay Ivana, tila ito na ang pinakamatagal na panahon na inilagi niya sa ospital. "Ngayon niyo lang makikita na ganito ang itsura ko... Day 6 sa hospital and day 6 na walang ligo," ani Ivana.

Idinetalye rin niya sa naturang vlog kung bakit lumaki ang kanyang tiyan na aakalain ng marami ay nagdadalang-tao siya.

Source: KAMI.com.gh