Kristel Fulgar, ibinida ang kanyang Oppa:"Thank God I found him"

- Binahagi ni Kristel Fulgar ang isang litrato kung saan kasama niya si Suhyuk Ha, ang Koreanong nauna niyang pinakilala sa kanyang vlogs bilang kanyang manliligaw

- Hindi man diretsahan ay tila pinaalam ni Kristel sa pamamagitan ng naturang post ang tunay na estado ng kanilang relasyon

- Aniya, pinagpapasalamat niya sa Panginoon na nakilala niya ito

- Matatandaang noon ay Pinaliwanag ni Kristel Fulgar ang kanyang dahilan kung bakit kahit gusto niya ang kanyang manliligaw na isang Korean ay hindi pa niya ito sinasagot

Ipinahayag ng aktres at vlogger na si Kristel Fulgar ang kasiyahan sa piling ng Koreanong si Suhyuk Ha, na una niyang ipinakilala sa kanyang mga vlogs bilang kanyang manliligaw. Sa isang Instagram post, binahagi ni Kristel ang kanilang litrato at sinabing nagpapasalamat siya sa Diyos na nakilala niya ito.

Bagama't hindi diretsahang inamin, tila ipinahihiwatig ng post ang kanilang opisyal na relasyon. Ayon kay Kristel, mahalaga sa kanya na ang anumang gagawin niya ay naaayon sa kalooban ng kanyang ina at ng Panginoon.

Read also

Mensahe ng Ama ni Heart Evangelista, sa renewal of vows nila ni Chiz, umantig sa marami

Matatandaang dati nang ipinaliwanag ni Kristel ang dahilan ng kanyang pag-aalinlangan sa pagsagot kay Suhyuk. Aniya, bilang miyembro ng Iglesia ni Cristo, hindi pinahihintulutan ng kanilang simbahan na maging kasintahan niya ang hindi miyembro nito.

Sa post na ito ni Kristel na tila ipinahayag nila sa publiko ang kanilang relasyon, marami sa nagkomento ang naniniwalang isa na ring INC si Suhyuk. Sa panayam sa GMA News, sinabi niyang nananatiling mahalaga sa kanya ang pagsunod sa kanyang pananampalataya habang tinatanggap ang pagmamahal ng Koreanong nagpatibok ng kanyang puso.

Si Kristel Fulgar ay nakilala sa mundo ng showbiz matapos niyang maging bahagi ng "Goin' Bulilit". Ilan sa mga palabas na naging kabahagi siya ay Maria Flordeluna, Dahil Sa Pag-ibig, Got to Believe, at Bagito.

Pumirma si Kristel Fulgar sa Korean entertainment agency na Fivestone sa Hongdae. Sa kanyang vlog, binahagi ni Kristel ang pagkikita nila ng CEO ng naturang agency at pagpirma niya ng kontrata.

Read also

Heart Evangelista, emosyonal na ginunita ang Renewal of Vows nila ni Chiz Escudero

Kamakailan ay binahagi ni Kristel ang video ng kanyang meeting sa isang Korean Brand na kumuha sa kanya bilang ambassador. Ayon sa kanila, napanood nila ang vlog ni Kristel at nagustuhan nila ang ginawa ni Kristel kung saan pinakita niya na ginagamit niya ang produkto.

Source: KAMI.com.gh