Ogie Diaz, nabalitaang muntik umanong maging big winner si Kolette

- Nakarating umano kay Ogie Diaz na si Kolette Madelo sana ang tatanghaling PBB Gen 11 big winner

- Subalit ang tinanghal na big winner sa nasabing edisyon ay si Fyang Smith

- Naungusan pa rin Rain Celmar si Kolette na ang nakamit ay ang 3rd big placer

- Napuri naman ni Ogie si Fyang na aniya'y artitahin ang mukha

Nabalitaan umano ni Ogie Diaz na muntik nang manalo si Kolette Madelo bilang big winner ng Pinoy BIg brother Gen 11.

Subalit sa mga huling oras ng botohan, bumulusok umano pataas ang mga boto kay Fyang Smith na siyang tinanghal big winner.

"Alam mo may nagbalita sa akin dapat daw sana ang mananalo ay si Kolette. Pero mga last few minutes biglang... (senyas pataas) gumanun daw yung boto para kay Fyang," ani Ogie.

Read also

PBB Rain, kinagiliwan nang magpa-picture sa Mama ni Fyang: "Madam Inutz"

Dahil dito, hindi maiwasang maglabasan sa social media na maaring ginastusan umano si Fyang lalo na at mayroon na umano itong management sa labas ng bahay ni Kuya.

"Sinasabi nila na mayaman si Fyang. Talagang sumugal, pati yung management ni Fyang, talagang nag-invest din. Ay syempre, ganun talaga... Popularity contest yan. Hindi naman sa pag-ano, pero artistahin 'yung Fyang. Okay yan!" paliwanag naman ni Ogie D.

Gayunpaman, marami na talaga umano ang supprters ni Fyang maging ng "JMFyang" fans nila kaya't di kataka-takang siya ang tinanghal bilang big winner.

Napuri rin ni Ogie si Fyang na aniya'y star material talaga dahil sa mukha pa lamang umano nito ay artistahin na talaga.

Narito ang kabuuan ng kanilang talakayan mula sa Ogie Diaz Showbiz Update:

Ang Pinoy Big Brother ay isa sa popular na reality show ng ABS-CBN na nagsimula noong 2005. Sa unang season nito, 13 na mga housemates ang nanatili sa bahay ni kuya subalit apat lamang ang natira upang masungkit ang pagiging isang big winner. Si Nene Tamayo ang kauna-unahang big winner ng PBB.

Read also

Ray Parks Jr., game na game na maging "Maui" para sa bunsong anak ni Zeinab

Isa sa mga hindi malilimutang tagpo sa katatapos lamang na PBB Gen 11 ay nang makilala na ni Kai ang kanyang tunay na ina. Masasabing hinangaan siya ng marami dahil sa ipinakita nitong reaksyon nang tuluyan na niyang makasama at makilala ang kanyang biological mother. Marami ang naluha umano sa episode na ito dahil na rin sa kabutihang puso na ipinakita ni Kai sa kanyang ina.

Si Kai ay napabilang sa big 4 kung saan siya'y tinanghal bilang 4th big placer. Si Kolette naman ang nakasungkit ng titulong 3rd big placer habang si Rain naman ang pumangalawa sa big winner na si Fyang Smith.

Source: KAMI.com.gh