Video ng umano'y pag-aresto sa asawa ni Rufa Mae Quinto, umani ng komento

- Isang video ang umani ng reaksiyon ng publiko matapos ang paglabas ng balitang naaresto umano ang asawa ni Rufa Mae uinto na si Trevor Magallanes sa Hawaii

- Wala pang nilalabas na kumpirmasyon ang aktres tungkol sa balitang ito o maging tungkol sa lumabas na screenshots ng umano'y convo nila ng mister

- Gayunpaman, sa naturang video ay makikita ang isang lalaki na hinuhuli ng mga otoridad at isinakay sa police car

- Ang naturang video na naibahagi sa Newsflare ay may pamagat na 'Husband of Filipina actress Rufa Mae Quinto arrested in Hawaii"

Isang video ang naging viral sa social media matapos ang balitang naaresto umano si Trevor Magallanes, ang asawa ng aktres na si Rufa Mae Quinto, sa Hawaii. Ang naturang video, na unang naibahagi sa Newsflare, ay may pamagat na "Husband of Filipina actress Rufa Mae Quinto arrested in Hawaii," at nagpapakita ng isang lalaki na hinuhuli ng mga otoridad at isinakay sa police car.

Read also

Ogie Diaz, may komento sa poster ng "And The Breadwinner is.."

Sa ngayon, wala pang inilalabas na pahayag si Rufa Mae tungkol sa isyu, maging sa mga screenshots na umano’y nagpapakita ng kanilang pribadong pag-uusap. Marami ang nag-aabang ng kumpirmasyon o paglilinaw mula sa aktres ukol sa insidente.

Sa kabila ng katahimikan ni Rufa Mae, patuloy na pinag-uusapan sa social media ang video at ang posibleng epekto nito sa buhay ng mag-asawa. Samantala, ang mga netizen ay nahahati sa kani-kanilang opinyon—may mga nananatiling neutral, habang ang iba naman ay nagbabatay sa mga detalye ng lumabas na video.

Si Rufa Mae Quinto-Magallanes ay sumikat bilang isang Filipina actress, comedian at TV host. Nakilala siya sa kanyang kakaibang estilo ng pagpapatawa. Pinasok niya ang mundo ng showbiz nang mapabilang siya sa That's Entertainment noong 1996. Ilan sa sumikat niyang pagganap ay bilang si 'Booba' sa pelikulang Booba noong 2001 at bilang si 'Boobita Rose' sa Masikip sa Dibdib.

Matapos ang kanyang pamamalagi sa Amerika, bumalik kamakailan sa Pilipinas si Rufa Mae. Nauna siyang napasama sa UniTeam rally na talaga namang pinag-usapan. Sa kanyang pag-uwi sa Pilipinas, ibinahagi niya sa kanyang social media account ang bagong bahay na kanilang tinitirhan pagbalik nila sa Pinas.

Read also

Davao Conyo, sinupalpal ang netizen na humiling ng content tungkol kay Maris Racal

Matapos lumabas ang video ng kanyang pagkanta sa rally para kay Senator Manny Pacquiao, agad na nag-trend sa Twitter si Rufa Mae. Marami ang nawindang na makita siya sa naturang rally dahil bago ito ay naroroon din siya sa UniTeam rally ni Pangulong Bongbong Marcos. Maging si Rufa Mae ay binahagi sa kanyang Instagram story ang screenshot ng top trends sa Twitter kung saan makikita ang kanyang pangalan. Sa nag-viral na video, makikita ang bahagi ng pagkanta ni Rufa Mae ng awiting Firework ni Katy Perry.

Source: KAMI.com.gh