Sam Concepcion, nahingian ng reaction sa viral 'Daddy' memes

- Usap-usapan sa social media ang aktor at singer na si Sam Concepcion dahil sa kanyang toned physique sa larawang ibinahagi sa Instagram

- Suot ni Sam ang white tank top sa larawan mula sa dula na Once On This Island, na agad hinangaan ng fans at kaibigan

- Bumalik sa viral status ang kanyang 2013 hit na Dati matapos gawing memes ng mga netizens ang tawag sa kanya bilang "daddy"

- Natutuwa si Sam sa mga memes at sinabi niyang bilib siya sa pagiging witty ng mga Pilipino

Mainit na pinag-uusapan online ang aktor at singer na si Sam Concepcion matapos niyang ibahagi ang isang larawan sa Instagram na nagpapakita ng kanyang toned physique mula sa kanyang pagganap sa dula na Once On This Island ng 9 Works Theatrical.

Sa post, makikita si Sam suot ang isang white tank top na lalo pang nagpatingkad sa kanyang maskuladong braso, na ikinasabik ng mga fans at kaibigan sa social media.

Read also

PNP, may natukoy na person of interest at saksi sa pagpaslang kay Arvin at Lerma Lulu

“Fell in love with this show. Going to miss being on the island,” sabi ng 31-anyos na singer sa kanyang caption, kung saan pinasalamatan din niya ang 9 Works Theatrical sa oportunidad.

Marami sa kanyang mga kaibigan sa industriya tulad ni Rocco Nacino ang agad nagkomento ng paghanga. “Grabeng braso! Looking good, brother!” sambit ni Nacino, habang ang ilang netizens naman ay sinabing na-inspire silang bumalik sa gym matapos makita ang larawan.

Bukod sa papuri, naglipana rin ang mga memes tungkol kay Sam, lalo na’t binalikan ng netizens ang kanyang hit song na Dati kasama sina Tippy Dos Santos at Quest. Pinalitan pa ng ilan ang lyrics ng kanta at tinawag siyang "daddy."

Sa isang meme, binago ng isang user ang linya mula sa Dati ng “Da-ra-rat-da daddy” at “Daddy daddy, sabay pa nating pinangarap ang lahat.” Sa kanyang Twitter post, sinabi ni Sam na aliw na aliw siya sa pagka-witty ng mga Pilipino pagdating sa paglikha ng mga memes.

Read also

Carlos Yulo, may bagong chocolate drink commercial

Ayon pa kay Sam sa isang panayam sa Manila Standard Entertainment, “Ang witty talaga ng mga Pilipino. Nakakatawa, pero hindi ko alam kung paano magre-react. Natutuwa ako, at salamat sa gumawa ng meme na iyon!”

Si Sam Concepcion ay nagsimula bilang isang child actor sa telebisyon at pelikula, at madali niyang nakuha ang pansin ng publiko sa kanyang husay sa pag-awit at pagsayaw. Noong 2006, sumali siya sa isang sikat na talent show na "Little Big Star", kung saan siya ay naging isa sa mga finalist.

Matatandaang matapang na nagsalita si Sam tungkol sa paghihiwalay nila ng mang-aawit na si Kiana Valenciano. Napag-alaman ng KAMI na unang nagbigay ng hint si Sam tungkol sa lagay ng relasyon nila ni Kiana nang hindi siya diretsahang sumagot sa tanong tungkol sa kanilang relasyon.

Ibinahagi ni Sam Concepcion sa Twitter ang kanyang pagpuri kay dating VP Leni Robredo. Sinabi niyang sa tweet na tila may kakayahan si VP Leni na maging pangulo at idinagdag ang "wow". "

Source: KAMI.com.gh