Yasmien Kurdi, sinugod sa ER: "Naka-steroids ako ngayon"

- Sinugod si Yasmien Kurdi sa ER matapos magka-rashes at allergy kasunod ng pagkakasakit ng anak niyang si Ayesha

- Humina ang resistensiya ni Yasmien habang inaalagaan ang anak, kaya siya nagkasakit

- Naka-steroids si Yasmien at may mga oras lamang kung kailan siya puwedeng magpa-dede sa kanyang bunso

- Ipinaalala ni Yasmien ang kahalagahan ng pag-aalaga sa sariling kalusugan ng mga ina upang patuloy nilang maalagaan ang kanilang mga anak

Ibinahagi ni Yasmien Kurdi ang kanyang karanasan matapos ang kanyang anak na si Ayesha na gumaling mula sa sakit, siya naman ang dinala sa emergency room (ER) dahil sa rashes at allergy. Ayon kay Yasmien, humina ang kanyang resistensiya habang nagkasakit si Ayesha, na nagdulot sa kanya ng mga hindi kanais-nais na sintomas.

Dahil sa kanyang kondisyon, sinabi ni Yasmien na siya ay naka-steroids at may mga oras lamang kung kailan siya puwedeng magpa-dede sa kanyang bunso. "We often play the role of superwoman as mothers, staying strong when our children are unwell," aniya. Dagdag pa niya, "Once Ayesha recovered, I fell sick, which made me realize just how much our motherly instincts help us stay resilient when we’re needed most."

Read also

Chloe San Jose, ibinida ang love letter ni Caloy para sa kanya

Ipinaalala ni Yasmien ang kahalagahan ng pag-aalaga sa sariling kalusugan ng mga ina upang mas magampanan nila ang kanilang tungkulin sa kanilang mga anak. Sa kabila ng mga pagsubok, ipinakita ni Yasmien ang kanyang lakas at determinasyon bilang isang ina na laging nandiyan para sa kanyang mga anak.

Si Yasmien Yuson Kurdi-Soldevilla ay sumikat bilang isang pop singer, songwriter, actress at model. Kabilang siya sa final four ng unang season ng reality-based talemt search sa GMA na Starstruck. Tinanghal siyang first runner-up sa naturang show.

Kabilang si Yasmien sa mga artistang nagdalamhati sa pagpanaw ng news anchor na si Mike Enriquez. Nagbigay-pugay si Yasmien sa beteranong broadcaster sa pamamagitan ng isang Facebook post. Nabanggit niya ang tungkol sa magandang katangian ni Mike. Aniya, nagfi-fist bump pa ito sa kanya pag nakakasalubong niya sa lobby.

Samantala, kamakailan ay binahagi ni Yasmien ang balita tungkol sa kanyang pagdadalang-tao. Buntis siya sa pangalawang anak nila ng kanyang asawang si Rey Soldevilla Jr. Sa kanyang post ay binahagi niya ang kanilang family picture kasama ang sonogram ng kanilang baby.

Source: KAMI.com.gh