Iya Villania, may nakakaaliw na post tungkol sa pagbubuntis niya

- Nagbahagi si Iya Villania ng nakakaaliw na video clip tungkol sa kanyang pagbubuntis sa social media

- Ipinakita niya sa video ang kanyang mga anak sa asawang si Drew Arellano, at binanggit kung paano sila naging magulang sa apat na bata

- Pabiro ding binanggit din ni Iya na ang pagdaragdag ng ika-limang anak ay nananatiling misteryo sa kanya

- Sumagot ang isang follower at sinang-ayunan ito ni Camille Prats, na nagbiro tungkol sa “mystery” ng pagbubuntis

Kinaaliwan ang pinakabagong post ni Iya Villania sa social media kung saan ibinahagi niya ang isang video clip ng kanyang pamilya. Sa video, makikita ang mga anak nila ni Drew Arellano, na nagbigay-diin sa kanilang paglalakbay mula sa tatlong anak patungo sa apat. Ang caption ni Iya ay: "And this my friends is how we went from 3 kids to 4 ❤️🥹 Now, how we got from 4 to incoming 5? That remains a mystery 😂"

Read also

SB19 Stell at Pablo sinagot isyu ng pagpaparetoke: 'Di ba obvious?'

Ang post ay agad na umani ng mga reaksyon mula sa kanyang mga followers at kaibigan sa industriya. Isang follower ang sumagot sa post ni Iya, nagsasabing: "Anong mystery? Alam na alam na natin pano nangyari yan 😂 hahaha." Ang komentong ito ay sinang-ayunan ni Camille Prats, na nagbigay ng kanyang opinyon sa pamamagitan ng pagkomento: "Korek! Wag mo nga kaming inaano mars @iyavillania."

Ipinakita ni Iya sa kanyang post ang kanyang kasiyahan sa kanyang pamilya at ang kanyang pagkakaroon ng sense of humor sa kabila ng pagiging abala sa kanilang buhay. Ang pagbubuntis niya ay tinanggap ng kanyang mga tagasuporta na may mga positibong reaksyon, at patuloy na nagpapakita ng suporta sa kanyang lumalaking pamilya.

Si Iya Villania-Arellano, ay unang nakilala sa mundo ng showbiz bilang TV presenter. Isa siyang Filipina-Australian na kinalaunan ay naging aktres at host na rin. Nakilala rin siya bilang isa sa pinakasikat na VJ ng Myx Channel.

Read also

Doc Willie Ong, binahagi ang positibong naidulot ng pagkakasakit niya

Sa naunang ulat ng KAMI, naibahagi ni Iya ang kanyang video ng kanyang pagwo-work out dalawang linggo matapos niyang manganak sa kanyang bunso. Umani ito ng mga reaksiyon at komento lalo na mula sa mga kapwa niya artista. Marami ang humanga na kahit kapapanganak lang nito ay kayang-kaya niyang mag-workout.

Kamakailan ay binahagi ni Iya na tuluyan nang natanggal ang front teeth ng anak niyang si Leon sa edad na limang taon. Ikinuwento niya na inakala nila ni Drew na na-save nila sa pagkakabunot ang dalawang ngipin nito nang unang matumba siya. Gayunpaman, masaya daw ang kanyang anak kaya kinalaunan ay mayroon siyang napagtanto. Aniya, ang mahalaga ay ang nararamdaman ng anak niya at aminado siyang naisip niya ang maaring sabihin ng ibang tao.

Source: KAMI.com.gh