Heart Evangelista, muling nakasama ang Asuncion Family
- Binahagi ni Heart Evangelista ang video ng muling pagkikita nila ng Asuncion Family nang mamahagi sila ng tulong kasama ang kanyang kasamahan sa Senate Spouses Foundation, Inc. (SSFI)
- Aniya, matapos ang kanilang pagkakasama noon ay matagal silang hindi nagkita ngunit aniya ay muli silang pinagtagpo ng tadhana
- Ang Asuncion Family ang pamilyang nakasama noon ni Heart kung saan napaiyak siya sa kalagayan ng pamumuhay nila
- Marami ang napabalik-tanaw sa anila'y 'sardinas scene' na nagpaiyak kay Heart
PAY ATTENTION: stay informed and follow us on Google News!
Binahagi ni Heart Evangelista ang video ng muling pagkikita nila ng Asuncion Family habang namamahagi sila ng tulong kasama ang kanyang kasamahan sa Senate Spouses Foundation, Inc. (SSFI). Ayon kay Heart, matagal silang hindi nagkita matapos ang kanilang unang pagkakasama, ngunit sinabi niyang muli silang pinagtagpo ng tadhana.
![Heart Evangelista, muling nakasama ang Asuncion Family Heart Evangelista, muling nakasama ang Asuncion Family](https://cdn.kami.com.ph/images/1120/14b140f8f8df8650.jpeg?v=1)
Source: TikTok
Ang Asuncion Family ay ang pamilyang nakasama noon ni Heart kung saan napaiyak siya sa kalagayan ng pamumuhay nila. Marami ang napabalik-tanaw sa 'sardinas scene' na nagpaiyak kay Heart.
Sa isang episode ng kanyang reality show na "Follow Your Heart" noong 2017, tinanggap ni Heart Evangelista-Escudero ang hamon na mag-alaga ng mga bata sa pamilya Asuncion.
PAY ATTENTION: Click "See First" under the "Following" tab to see KAMI news on your News Feed
Bagama't ayaw niyang umiyak, hindi niya napigilan ang pagpatak ng luha dahil sa sitwasyon ng mga bata. Sa isang tagpo ng naturang programa, mismong si Heart ang nagluto ng sardinas sa kalan na ginagamitan ng panggatong na kanilang pinagsaluhan.
Si Heart Evangelista ay isang kilalang Filipino actress, model, at philanthropist. Ipinanganak noong February 14, 1985. Bukod sa kanyang karera sa showbiz, naging parte si Heart ng mga philanthropic activities at proyekto. Siya rin ay may mga social media platforms kung saan aktibo siya sa pagbibigay ng updates tungkol sa kanyang buhay personal at professional.
Matatandaang sa isang Instagram post ni Heart kung saan binahagi niya ang kanyang fashion style, bumuhos ang mga positibong komento. Marami ang napabilib sa talento at husay ni Heart pagdating sa kanyang pananamit. Gayunpaman, isang netizen ang nagkomento na nababaliw na daw ang aktres dahil wala itong anak. Hindi naman ito pinalampas ni Heart at hindi na nakasagot ang naturang basher matapos siyang kuyugin ng mga followers ni Heart.
Binahagi ni Heart Evangelista na nag-iipon siya para sa binabalak niyang pagbili ng tirahan sa Paris. Dahil sa kanyang trabaho lalo na sa kanyang pagdalo sa fashion week kaya niya naisipang bumili ng kanyang sariling matitirhan. Aniya, kung bibilangin ay malaki din ang ginagastos niya para sa kanyang accommodation sa tuwing pumupunta siya sa Paris. Matatandaang maraming pagkakataon na rin na naiimbitahan si Heart sa iba't-ibang fashion events sa ibang bansa kabilang na sa sikat na sikat na Fashion Week.
Bagong feature: Tingnan ang mga balitang para sa'yo ➡️ hanapin ang "Recommended for you" block at mag-enjoy!
Source: KAMI.com.gh