Celine Dion, binahagi ang video kung saan inatake siya ng kanyang sakit

- Sa dokumentaryong "I Am: Celine Dion," ipinakita ni Celine Dion ang kanyang pakikipaglaban sa stiff person syndrome

- Makikita sa dokumentaryo na nagkaroon siya ng buong katawan na spasm at pagkaparalisa habang nasa physical therapy session

- Ipinaliwanag ng kanyang doktor na si Dr. Amanda Piquet na ang nangyari ay spasm at hindi seizure

- Dahil sa kondisyon, napilitang kanselahin ni Celine ang kanyang mga palabas na naka-iskedyul para sa 2023 at 2024

Sa bagong dokumentaryo na "I Am: Celine Dion," ibinahagi ni Celine Dion ang kanyang kasalukuyang pakikipaglaban sa stiff person syndrome. Sa dokumentaryo, makikita siyang nakararanas ng buong katawan na pangingisay habang patuloy na nagre-record ang kamera.

Sa isang eksena, habang nasa isang physical therapy session, naranasan ni Celine ang matinding pangingisay at pagkaparalisa. Matapos mag-record ng kantang "Love Again," nagsimula ang pangingisay sa kanyang paa at kumalat sa buong katawan niya, dahilan upang hindi siya makagalaw at makaranas ng matinding sakit.

Read also

Ex-cop, kasama sa pitong persons of interest sa pagkawala ng magkasintahan sa Tarlac

Habang nangingisay, makikitang pinipisil ni Celine ang kamay ng isa sa mga miyembro ng medical team. Matapos maibalik ang kanyang kakayahang gumalaw, binigyan siya ng Valium at nasal spray, at sinuri ang kanyang blood pressure.

Inihayag ni Celine noong Disyembre 2022 na siya ay na-diagnose na may stiff person syndrome, isang bihira at progresibong kondisyon na nakakaapekto sa nervous system, partikular na ang utak at spinal cord, ayon sa National Institute of Neurological Disorders and Stroke.

Sanhi ito ng paninigas ng kalamnan at pangingisay, kadalasan sa edad na 30 hanggang 60. Ang mga sintomas ay maaaring manatiling stable sa ilang kaso ngunit maaaring lumala sa iba.

Dahil dito, napilitang kanselahin ni Celine ang ilang mga palabas na naka-iskedyul para sa 2023 at 2024, dahil hindi sapat ang kanyang lakas para mag-tour.

Read also

Lie Reposposa, masayang-masaya na naranasang mag-withdraw ng 1M

Si Celine Dion ay isang kilalang mang-aawit mula sa Canada na naging tanyag sa buong mundo dahil sa kanyang malakas at emosyonal na boses. Nakilala siya sa kanyang mga awit tulad ng "My Heart Will Go On," na naging theme song ng pelikulang Titanic, at "The Power of Love."

Samantala, labis umanong nalungkot si Jake Zyrus nang malaman ang karamdaman ng kanyang idolo at inspirasyon na si Celine. Ayon sa source ni Cristy Fermin, labis umano itong dinamdam ni Jake bilang itinuturing niyang ultimate idol si Celine. Matatandaang nagkaroon pa ng pagkakataon na maka-duet ng dating si Charice Pempengco si Celine.

Matatandaang matapos na mag-viral ang audition video ng 10 taong gulang na si Peter Rosalita sa America's Got Talent 2021, tumanggap na ito ng maraming papuri. Isa na rito si Celine Dion na siyang original singer ng kanyang audition piece na "All By Myself." Sa kanyang Facebook page, nagpasalamat din si Peter sa kilalang International Singer.

Source: KAMI.com.gh