Cristy Fermin, 'di naniniwalang ibinebenta ni Daniel Padilla ang sariling bahay

- Hindi raw umano pinaniniwalaan ni Cristy Fermin ang napapabalitang ibinibenta ni Daniel Padilla ang bahay nito

- Aniya, posible pa umano ang pagbibenta nito ng iba pang mga ari-arian ngunit hindi ang bahay na pinag-ipunan

- Una nang napabalita ang pagbibenta umano ng mamahaling sasakyan ni Daniel na kabahagi umano si Kathryn

- Nabanggit din ni Cristy ang tungkol sa kanyang kaibigan na siyang nakabili ng van na dating pagma-may-ari ni Daniel Padilla

Sa dami umano ng mga napapabalitaan ibinibentang ari-arian ni Daniel Padilla, hindi raw umano naniniwala si Cristy Fermin na maging ang tahanan ng aktor ay ibinibenta rin nito.

Read also

Cristy, nabanggit na kaibigan niya ang umano'y nakabili ng van ni Daniel Padilla

"Pati pala 'yung bahay ni Daniel napapabalitang ibinibenta na. Hindi ko pinaniniwalaan 'yun. Palagay ko, may maibenta man siyang iba pa, ititra 'yung bahay."

"Pinag-ipunan ng maigi 'yan at talagang dugo, pawis at luha ang naging puhunan diyan. Kaya 'yung kotse, pasable 'yan. Ano pang bagay na ibenta ni Daniel, pasable pa rin 'yan. Pero 'yung bahay siguro at 'yung kinatitirikan, lote at bahay, palagay ko hindi naman ibibenta," dagdag pa ni Cristy.

Matatandaang kamakailan lamang ay may nakabili na ng mamahaling sasakyan ni Daniel kung saan kabahagi umano nito si Kathryn. Ani Cristy, taong 2015 ng nabili ito ng dalawa

Nabanggit din niya ang isa umanong kaibigan na nakabili ng van na dating pagma-may ari Daniel.

"May isang kaibigan ako, nakabili ng van niya. Oo, kaya 'pag tinatanong ko, ganda-ganda naman ng van mo... Ito 'yung dating sasakyan ni daniel Padilla"

Narito ang kabuuan ng talakayan nina Cristy Fermin, Romel Chika at Wendell Alvarez mula sa Showbiz Now Na! YouTube channel:

Read also

Bagong pag-ibig ni Andrew Schimmer, ka-birthday ng yumaong partner

Si Daniel Padilla ay isang aktor at modelo sa Pilipinas. Anak siya ni Karla Estrada at aktor na si Rommel Padilla. Mas naging matunog ang pangalan ni Daniel nang pumatok sa publiko ang love team nila ni Kathryn Bernardo na kanyang naging totoong kasintahan sa loob ng 11 na taon.

At noong Nobyembre 30 ng nakaraang taong 2023, halos sabay na kinumpirma nina Kathryn at Daniel ang kanilang paghihiwalay na matagal nang naging bali-balita bago pa man ipalabas ang pelikula ni Kathryn na A Very Good Girl. Sa pamamagitan ng kani-kanilang post, naglahad ng saloobin ang dalawa upang ipaunawa lalo na sa kanilang mga fans ang parehong desiyon na mayroon pa rin umanong respeto at pagmamahal.

Sa naunang episode ng Showbiz Now Na! ni Cristy Fermin, naibahagi nito ang nabalitaang lagi 'di umanong lasing si Daniel Padilla. Doon umano humuhugot ng lakas si Daniel sa pagbabakasakaling magkakabalikan pa sila ni Kathryn.

Source: KAMI.com.gh